Рэктар БДУ прызнаў, што беларускія навукоўцы і даследчыкі апынуліся ў інфармацыйным вакууме
Андрэй Кароль расказаў пра складанасці доступу да баз даных.
Цяпер у даследчыкаў у Беларусі, па словах Караля, ёсць праблемы з доступам да навуковых баз даных.
«Як і ўсе расійскія і беларускія ВНУ, БДУ выкінулі з рэйтынгу U-Multirank. Некаторыя рэйтынгі сталі хаваць падрабязную інфармацыю, іншыя прыбіралі прамыя гіперспасылкі, каб не рэкламаваць нашы ўніверсітэты. Але гэта дробныя паскудствы, яны мала на што ўплываюць.
Горш сітуацыя з базамі даных. Пастаўшчыкі паўнатэкставых і рэфератыўных навуковых баз даных закрылі свае прадстаўніцтвы ў Беларусі і Расіі. Таму мы аказаліся ў некаторым інфармацыйным вакууме, стала больш складана маніторыць сітуацыю і знаходзіць свежыя навуковыя артыкулы.
(…) Як бы мы таго ні хацелі, але англамоўныя эксперты адчуваюць ціск са свайго боку з-за палітычнай сітуацыі. Хутчэй, у акадэмічных апытаннях мы страцім пэўную долю галасоў. Цытаваць работы беларускіх навукоўцаў будуць радзей. Усё гэта адаб'ецца на рэйтынгах праз некалькі гадоў», — расказаў рэктар БДУ ў інтэрв'ю БелТА.
Ён дадаў, што ўніверсітэт «працягвае сістэмную і ўзмоцненую працу па папулярызацыі БДУ ў рэйтынгах».
Чытайце таксама:
Затрымалі кандыдатку навук і дацэнтку БДУ Аксану Улановіч
Адзін з брытанскіх універсітэтаў аб'явіў набор на доктарскую праграму па тэме Беларусі
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага5
«Чакаем у Мінску +1 славутасць!» Блогераў прывезлі ў былую турму на Валадарскага
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары