У Беларусі ўвялі магчымасць аўтадонарства, можна здаць кроў для самога сябе
У Беларусі 21 красавіка набудуць моц змены ў законе аб донарстве крыві і яе кампанентаў, паведаміла Міністэрства аховы здароўя. У дакумент дадалі артыкул «Аўтадонарства». Цяпер кожны грамадзянін мае магчымасць за пэўную аплату здаць на захоўванне сваю кроў для ўласных патрэб.
Новаўвядзенне дазваляе фізічнай асобе здаць кроў ці яе кампаненты на выпадак, калі самому гэтаму чалавеку ў будучыні можа спатрэбіцца пераліванне. Як пазначаецца, «нарыхтоўка і захоўванне ўласнай крыві робяцца за кошт грамадзяніна». Пры гэтым ніякіх кампенсацый і гарантый такому аўтадонару, у адрозненне ад звычайных, не даюць.
Калі аўтадонару ўласная кроў не спатрэбіцца, яе могуць пераліць іншай асобе, але для гэтага будзе патрабавацца пісьмовая згода донара.
У законе, апублікаваным на Нацыянальным прававым партале, тлумачыцца, што норму ўхвалілі «у мэтах змяншэння рызыкі неспрыяльных наступстваў пералівання крыві». А колькі будзе каштаваць гэтая паслуга, пакуль невядома.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі6
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары