Культура22

У Варшаве здымаюць мастацкі фільм паводле гісторыі кахання Кацярыны Андрэевай і Ігара Ільяша

«8 гадоў 3 месяцы» — так папярэдне называецца поўнаметражны фільм беларуска-польскай рэжысёркі Мары Тамковіч. Яго сюжэт натхнёны гісторыяй кахання беларускіх журналістаў Кацярыны Андрэевай і Ігара Ільяша. «Але ўсё ж такі гэта будзе мастацкая карціна», — адзначае аўтарка, падкрэсліваючы, што яе мэтай не было стварэнне біяграфічнага фільма.

Падчас здымак фільма. Фота: Ульяна Шаргаева

Як паведаміла Мара Тамковіч Reform.by, ідзе ўжо трэці дзень здымачнага працэсу, учора здымалі сцэны, звязаныя з затрыманнем галоўнай гераіні.

Мара Тамковіч вядомая беларускаму і польскаму гледачу сваёй кароткаметражнай стужкай «У жывым эфіры» (Na žywo / Live), створанай па матывах гісторыі затрымання Кацярыны Андрэевай і Дар’і Чульцовай падчас стрыму з «Плошчы Перамен». Фільм неаднаразова быў адзначаны на польскіх і міжнародных кінафестывалях.

Як сказала Мара Тамковіч, «8 гадоў 3 месяцы», у адрозненне ад «У жывым эфіры», канцэнтруецца на тэме кахання. Галоўныя героі фільма — гэта журналісты Лена і Ілья. Яны праходзяць праз пратэсты ды наступствы гэтых пратэстаў і ў жудасных умовах намагаюцца захаваць сябе як пару, сям’ю.

Галоўную ролю ў карціне будзе выконваць Аляксандра Вайцяховіч — тая ж актрыса, якая здымалася ў «У жывым эфіры». Галоўную мужчынскую ролю ў стужцы будзе іграць літоўскі акцёр.

Новы праект Мары Тамковіч прафінансаваў Польскі інстытут кінамастацтва. Бюджэт фільма — 1 мільён злотых, усе здымкі будуць весціся ў Варшаве.

Кацярына Андрэева (Бахвалава) і Ігар Ільяш — журналісты телеканала «Белсат», сямейная пара. У 2021 годзе Кацярына атрымала 2 гады зняволення за стрым з Плошчы Перамен у Мінску. У зняволенні ёй выставілі новае абвінавачанне ў «здрадзе дзяржаве» і прысудзілі яшчэ 8 гадоў і 3 месяцы.

Каментары2

  • Старковский дизайнер
    16.04.2023
    Фильм порвёт зал из 5 человек.
  • Юстус
    17.04.2023
    Госпадзі, вы лепш за гэтыя грошы экіпіроўку купіце ПКК

Цяпер чытаюць

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць