У Мінску праходзіць «антыфашысцкі» камуністычны форум. На яго прыехаў Зюганаў
21-22 красавіка запланавана правядзенне Міжнароднага антыфашысцкага форуму, у якім прыме ўдзел актыў Камуністычнай партыі Беларусі, а таксама замежныя дэлегацыі ў складзе кампартый.
На форум запрошаныя кіраўніцтва і прадстаўнікі лева-патрыятычных партый і рухаў, якія ўваходзяць у міжнародны камуністычны рух, якія «падтрымліваюць пазіцыю і ініцыятывы Рэспублікі Беларусь на міжнароднай арэне».
Раніцай 21 красавіка ў Мінск прыехаў кіраўнік ЦК КПРФ Генадзь Зюганаў. Таксама ў Мінск прыехалі намеснік старшыні ЦК КПРФ Дзмітрый Новікаў, сакратар ЦК КПРФ, першы намеснік старшыні Цэнтральнага Савета СКП-КПСС, першы намеснік старшыні Камітэта ГД па справах СНД, еўразійскай інтэграцыі і сувязях з суайчыннікамі Казбек Тайсаеў, сакратар ЦК КПРФ Аляксандр Юшчанка.
Таксама ў Мінск прыехалі кіраўнікі кампартый Арменіі, Кыргызстана, Узбекістана, непрызнанай Абхазіі, прадстаўнікі камуністаў далёкага замежжа з Германіі, Венгрыі, Партугаліі.
А камуністы Малдовы, Азербайджана, Таджыкістана, Казахстана, непрызнанага Прыднястроўя, Паўднёвай Асеціі, Туркменістана, Літвы, Латвіі, Эстоніі і іншых кампартый з краін Еўропы, Азіі, Амерыкі будуць прымаць удзел у форуме з дапамогай выкарыстання відэаканферэнцсувязі.
Таксама ў найбліжэйшы час пачнецца з'езд Камуністычнай партыі Беларусі.
«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую7
Каментары