Са справаздачы вынікае, што ў 2022 годзе першы энергаблок Беларускай АЭС пад Астраўцом не выпрацоўваў электраэнергію амаль 55% часу. Усяго ж было выпрацавана каля 4,4 млрд кВт*г электраэнергіі.
Каэфіцыент выкарыстання ўстаноўленай магутнасці з моманту запуску першага энергаблока склаў 50,2%.
У мінулым годзе першы блок БелАЭС спынялі на планавы рамонт у красавіку. Меркавалася, што рамонт працягнецца да ліпеня, але пасля энергаблок падключылі да сеткі толькі ў лістападзе.
Па інфармацыі Белстата, у 2021 годзе ў Беларусі ўсяго было выпрацавана 41 млрд кВт*г электраэнергіі, у 2020 годзе — 38,7 млрд кВт*г.
Чытайце таксама:
Для захавання радыеактыўных адкідаў разглядаюцца тры варыянты
Расія гатовая даць Беларусі адтэрміноўку па крэдыце за БелАЭС і дазволіць выплаты ў рублях
