У Пакістане адключаюць мабільны інтэрнэт. У краіне другі дзень маштабныя пратэсты
Ва ўпраўленні сувязі паведамілі, што рашэнне аб блакаванні паслуг мабільнага шырокапалоснага інтэрнэту было прынята па распараджэнні Міністэрства ўнутраных спраў.
У Пешавары пратэстоўцы падпалілі офіс мясцовай рэдакцыі «Радыё Свабода». Скрыншот відэа
Сацсеткі, у якіх публікуюцца кадры сутыкненняў у краіне, у якіх ужо бярэ ўдзел армія, недаступныя, паведамляе РБК.
Беспарадкі ў Пакістане ўспыхнулі пасля арышту былога прэм'ер-міністра Імрана Хана. Прыхільнікі яго партыі «Тэхрык-е-Інсаф» выйшлі на вуліцы.
У правінцыях Пенджаб, Белуджыстан і ў сталіцы Ісламабадзе пратэстоўцы атакуюць урадавыя будынкі, у адказ улады разгортваюць вайсковыя падраздзяленні.
Каментары