«Не магу зразумець, за што нас пакаралі. Ніякіх гульняў мы не здавалі» — галоўны трэнер «Белшыны»
Галоўны трэнер бабруйскай «Белшыны» Альберт Рыбак пракаментаваў для BYsport рашэнне Беларускай федэрацыі футбола па «справе аб дамоўных матчах. У «Белшыны» забралі 10 балаў у чэмпіянаце 2023 года і 5 балаў у наступным сезоне. Клуб таксама пакаралі штрафам у 74 тысячы рублёў.
«Не магу зразумець, за што нас пакаралі. Сур'ёзна вам кажу. Мы ніякіх гульняў не здавалі. Калі Гомза (Дзмітрый Гомза — былы гулец «Белшыны» абвешчаны персонай нон-грата ў беларускім футболе і пакараны штрафам 37 тысяч рублёў. — НН) і быў датычны да нейкага дамоўнага матча, то ўсе астатнія футбалісты гулялі сумленна. Трэнеры рабілі сваю працу. Ніякіх падвохаў. З мінскім «Дынама» мы таксама сумленна гулялі», — кажа Альберт Рыбак.
«Чаму так караюць гульцоў? Як хлопцы аддадуць гэтыя грошы? Давайце будзем сумленныя, падыдзем да пытання па-мужчынску. Яны і так за капейкі гуляюць. Прыклад: брамнік згуляў з «Дынама» «на нуль» — а яго пакаралі. Вы лічыце: гэта правільна? Не ведаю, чаму такія штрафы», — дадаў трэнер.
Ён кажа, што сходу ў клубе наконт гэтай сітуацыі пакуль не было.
«Цяпер вось гульцы ўбачылі [навіны] і не зразумелі. Некаторыя нават не ведаюць, што сказаць. Ні ў каго няма тлумачэнняў. Калі б былі вінаватыя — калі ласка. Але гульні мы не здавалі. Да матча з «Шахцёрам» рыхтаваліся як звычайна», — дадаў Рыбак.
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары
заветы караева - карать, карать и еще раз карать