Прызначэнне былога старшыні КДБ Вадзіма Зайцава на пасаду генеральнага дырэктара «Космас ТБ» выклікала пытанне ў некаторых нашых чытачоў. Як разарваць дамову з кампаніяй? — запытаўся ў нас карыстальнік Andrejka.
Для таго, каб адключыцца ад аператара, трэба запоўніць форму заявы.
У полі «прычына» можна ўказаць: прызначэнне Вадзіма Зайцава кіраўніком кампаніі.
Заяву можна прывезці ў офіс кампаніі, выслаць у адсканаваным выглядзе на [email protected], адправіць па факсе
Пасля давядзецца вярнуць абсталяванне на працягу 15 каляндарных дзён у офіс кампаніі па адрасе вул. Піянерская, 36 з 9.00 да 19.00 (выходныя: субота, нядзеля) альбо паклікаць прадстаўнікоў кампаніі.
Вадзім Зайцаў застаецца ў спісе асобаў, уезд якіх у Еўрасаюз забаронены па падазрэнні ў суўдзеле ў парушэннях правоў чалавека ў Беларусі. Менавіта Зайцаў быў старшынём Камітэта, калі ў ізалятары КДБ знаходзіліся арыштаваныя за Плошчу. Многія з іх заявілі аб катаваннях у часе следства.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве6
Каментары