Апазіцыйны кандыдат у прэзідэнты Турцыі заклікаў Расію «прыбраць рукі ад турэцкай дзяржавы»
Кандыдат у прэзідэнты Турцыі, лідар апазіцыі Кемаль Кылычдароглу абвінаваціў Расію ў змове і заклікаў «прыбраць рукі ад турэцкай дзяржавы». Пра гэта ён па-руску і па-турэцку напісаў у твітары.
«Дарагія рускія сябры, вы стаіце за мантажамі, змовамі, кантэнтам Deep Fake і запісамі, якія ўчора былі выкрытыя ў гэтай краіне. Калі вы хочаце працягу нашага сяброўства пасля 15 мая, трымайце рукі падалей ад турэцкай дзяржавы. Мы па-ранейшаму выступаем за супрацоўніцтва і сяброўства», — напісаў палітык.
Заява Кылычдароглу прагучала пасля таго, як дзейны кіраўнік Турцыі Рэджэп Таіп Эрдаган на выступленні перад прыхільнікамі ў нядзелю паказаў відэа, на якім відаць, як лідар курдскіх паўстанцаў нібыта заклікае галасаваць за Кылычдароглу.
Апытанні, праведзеныя ў Турцыі напярэдадні выбараў, сведчаць пра тое, што шматгадовы лідар гэтай дзяржавы сёлета як ніколі блізкі да паражэння.
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары