Сафія Сапега пра адносіны з Пратасевічам: Я б не назвала гэта каханнем
Вызваленная ўчора па памілаванні Сафія Сапега пракаментавала «Комсомольской правде» сваё вызваленне, стаўленне да Пратасевіча і падзялілася планамі на будучыню.
У каментары выданню яна зазначыла, што хоча правесці нейкі час са сваёй сям'ёй.
«Хачу аднавіць сябе. І ўжо пасля, сапраўды, задумацца над тым, як далей будаваць сваё жыццё», — сказала яна.
Па яе словах, цяжка сказаць, колькі гэта зойме часу: не больш за паўгода, а можа і два месяцы.
«Не хочацца губляць ні хвіліны. Час са сваёй сям'ёй, з тымі, хто цябе любіць. І каго любіш ты. З кім не было магчымасці пабачыцца досыць доўгі час. Вось гэта вось — самае важнае».
Сафія сказала, што ў яе не было ў Гомельскай калоніі спатканняў з роднымі.
Спыталі журналісты ў яе і пра стасункі з Раманам Пратасевічам.
«Папраўдзе я, відаць, зраблю… больш правільна, калі… нічога не скажу пра гэтага чалавека. Проста пажадаю яму пражыць гэтае жыццё годна. І на гэтым, думаю, усё…» — падбіраючы словы адказала дзяўчына.
— Вы былі — прабачце за такое нетактоўнае пытанне — у яго закаханыя?
— Я б не сказала так. Я б не назвала гэта каханнем.
Сафію Сапегу вызвалілі ўчора пасля памілавання Лукашэнкам. Яе забраў з Гомельскай калоніі губернатар Прыморскага края Алег Кажамяка.
Сафія Сапега разам з Раманам Пратасевічам былі затрыманыя 23 мая ў выніку прымусовай пасадкі ў Мінску самалёта Ryanair рэйсам Афіны — Вільня.
6 мая 2022 года Сапегу асудзілі да шасці гадоў калоніі. Суд прызнаў яе вінаватай у распальванні сацыяльнай варожасці, зліве даных сілавікоў (справа «Чорнай кнігі Беларусі»).
Раман Пратасевіч быў асуджаны 3 мая 2023 года на 8 гадоў калоніі ўзмоцненага рэжыму па справе Nexta. 22 мая ён быў памілаваны.
Учора стала вядома, што Раман Пратасевіч паспеў не толькі ажаніцца падчас следства, але і стаць бацькам.
Каго і чаму здаў Раман Пратасевіч. Гэта гісторыя пра тое, як адно фота можа змяніць усё жыццё. Многа жыццяў
Пратасевіч прыйшоў на інтэрв'ю на канал Салаўёва. У яго спыталі, ці забіў бы ён Пуцілу
Пратасевіч даў паказанні на Сафію Сапегу — «База»
«Шалёна ўдзячны краіне і асабіста прэзідэнту». Раман Пратасевіч памілаваны
Яўген Дудкін патлумачыў, чаму стаў сакрэтным агентам КДБ16
Каментары
Мне уже много лет, но бывает меня начинает стыдить какая-то бабка. Я смотрю на нее и думаю, а какой смысл жизни у этого человека? По моему глубокому убеждению морализаторы есть самые, скажем так, свободные от морали люди..
Такое впечатление, что люди живут не свою жизнь. Сплетничают по причине того, что своей нет."