Усяго патроху33

У Дубаі прэзентавалі першы прыватны самалёт для вечарынак. Расказваем, што ўнутры і колькі каштуе арэнда 

«Ён быў створаны для тых, хто хоча проста атрымліваць асалоду ад грошай, пакуль не памёр».

Люксавы самалёт для вечарынак 9H-Five ACJ Airbus A220-100. Фота: aviapages.com

Дубайская кампанія Five Hotels and Resorts запусціла першы прыватны люксавы самалёт для вечарынак ACJ TwoTwenty, які зможа выконваць чартарныя рэйсы ў многія гарады і на розныя курорты свету. Пра гэта 10 чэрвеня напісала агенцтва The Guardian.

Гэты «пяцізоркавы самалёт для вечарынак» коштам 80 мільёнаў даляраў мае ўласны Wi-Fi, магутную гукавую сістэму, умантаваныя ў столь святлодыёдныя лямпы, танцавальную і абедзенную зоны, кіназалу, ложак памерам king-size і душ. Пасажырам таксама будуць выдаваць фірмовыя піжамы, маскі і тапачкі ад кампаніі Five.

Бізнэс-джэт можна арандаваць за 13 тысяч даляраў у гадзіну. А пералёт з Лондана ў Дубай можа абысціся прыкладна ў 5 тысяч даляраў на чалавека, калі вечарынку ў паветры вырашыць арганізаваць група з 16 чалавек (гэта максімальная колькасць пасажыраў, якую можа змясціць самалёт).

«Наш джэт відавочна будзе па кішэні толькі для вельмі багатых людзей, якія проста захочуць атрымліваць асалоду ад грошай, пакуль яшчэ жывыя. Напрыклад, да нас ужо звяртаўся вельмі вядомы прафесійны футбаліст для пералёту з Блізкага Усходу ў Мадрыд, а іншы кліент нядаўна арандаваў самалёт для двухтыднёвага падарожжа па выспах Карыбскага мора. Увогуле, на найбліжэйшыя месяцы ёсць ужо як мінімум шэсць браніраванняў», — распавёў выканаўчы дырэктар Five Hotels and Resorts Алокі Батра.

Частка інтэр'ера люксавага самалёта для вечарынак ад кампаніі Five Hotels and Resorts. Фота: aviapages.com

Пры гэтым ён дадаў, што некаторыя звароты аб арэндзе самалёта былі крыху вар’яцкімі: напрыклад, адзін хлопец быў гатовы заплаціць 70 тысяч даляраў толькі за тое, каб зрабіць прапанову сваёй дзяўчыне. Аднак яму адмовілі.

Каментары3

  • Стоўбцы рдк
    12.06.2023
    Навошта такія навіны?)
    Мы ў Беларусі думаем як выжыць, а Вы яшчэ соль на рану сыпяце)
  • Axel Justas
    12.06.2023
    Хутчэй бы ўжо зялёныя тэхналогіі выціснулі гэтыя нафтавыя эканомікі ў нябыт. Дубаі як раз яскравы прыклад як бязглузда можна марнатравіць грошы на ўсялякую лухту, абсалютна не робячы хоця б нейкага стратэгічнага планавання. Усё грамадства пабудавана на працы гастарбайтэраў (што танных з Азіі, шта дарагіх з Эўропы ды ЗША), а самі мясцовыя ўвогуле не генеруюць ні культуры, ні навукі, ні камерцыйных прадуктаў. Калі прыйдзе час і трэба будзе зарабляць грошы уласнай працай - яны ж увогуле ня ведаюць, што гэта такое.
  • Tancor disco
    12.06.2023
    Аквадыскатэка ёсць???

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай91

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць