Грамадства1414

Intercars запусціў прамыя аўтобусныя рэйсы ў Крым

І яны карыстаюцца вялікай папулярнасцю, як кажуць арганізатары туру.

Фота: Blizko.by

Intercars запусціў аўтобусныя рэйсы з Мінска на паўднёвы бераг анексаванага Крыма — у Ялту і санаторый «Белоруссия» ў Місхоры. Аўтобус ідзе праз Гомель, Бранск, Арол, Варонеж, Растоў-на-Доне, Краснадар, Феадосію, Сімферопаль і Алушту. Гэта 2450 кіламетраў, а час складае 39,5 гадзіны.

Дырэктарка кампаніі «Баертранс» (яна прадстаўляе Intercars у Беларусі) Юлія Бурдон-Сабецкая расказала для blizko.by:

«Мы запусцілі аўтобусы ў Ялту і Краснадарскі край, якія цяпер карыстаюцца вялікай папулярнасцю. Праз праблемы з візамі ў беларусаў застаўся не вельмі вялікі выбар, таму Крымскае ўзбярэжжа і Краснадарскі край прыцягваюць нямала турыстаў. Маршруты доўгія, аднак мы бачым добры попыт на гэтыя кірункі і ўстойлівы пасажырапаток».

«Пасажырам даступныя многія паўднёвыя напрамкі: Растоў і Краснадар, Анапа і Віцязева, Феадосія, Ялта, Алушта, Сімферопаль. У гэтыя гарады цяпер можна паехаць з Мінска. У Растоўскую вобласць і Краснадарскі край з Мінска ідуць прамыя аўтобусы, пры паездцы ў гарады Крыма трэба зрабіць перасадку ў Бранску, бо другое «плячо» маршруту абслугоўваецца расійскай кампаніяй», — працягвае Юлія.

Беларускі аўтобус давозіць пасажыраў да Бранска, дзе тыя перасаджваюцца ў аўтобус Yutong, у якім ёсць рамяні бяспекі, Wi-Fi і USB-разеткі. 

«Маршрут доўгі, аўтобус знаходзіцца ў шляху да канцавога прыпынку амаль 40 гадзін, таму мы досыць часта — кожныя 4-4, 5 гадзіны — робім прыпынкі ў кафэ з туалетамі. Спыняемся ў тых месцах, якія спецыяльна ўладкаваныя для прыёму аўтобусаў і дзе ёсць адразу па 5-6 кабінак, каб не выстройваліся чэргі», — гаворыць Бурдон-Сабецкая.

«Мы ўлічваем тое, што з нядаўніх часоў на беларуска-расійскай мяжы ўвялі паглыбленыя праверкі, і ў расклад закладваем час на выкананне ўсіх фармальнасцяў. Вядома, трэба разумець, што ў летні час на паўднёвым кірунку шмат машын і рух можа быць ускладнены. Але мы ўкладваемся ў расклад», — кажа прадстаўніца кампаніі. 

Квіток ад Мінска да канчатковага пункта падарожжа — санаторыя «Белоруссия» ў Місхоры — каштуе 275 рублёў. Для дзяцей, моладзі і пенсіянераў прадугледжаная зніжка ў 10%, таксама ёсць зніжкі на групавыя білеты.

У планах — запусціць рэйсы ў Еўпаторыю ў анексаваным Крыме і ў Туапсэ і Сочы ў Краснадарскім краі.

Каментары14

  • Улад
    22.06.2023
    "... карыстаюцца вялікай папулярнасцю ..." Здаецца мне, што гэта такі маркецінг "Баертранса". Хіба што чыноўнікі едуць у санаторый АП РБ ...
    Лепш ехаць ў Крым на цягніку праз мірную Украіну. Пачакаем.
  • Цім
    22.06.2023
    Гэтыя аўтобусныя квіткі купляюцца з пашпартам. І вось ты ў базе! 
    Еўропа, давай да свіданія :)))
  • ром
    22.06.2023
    Конечно большая популярность! Всегда Крым был популярен 🤣
    А вы тут думаете что все как вы ?)) не тештесь илюзиями

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»41

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай93

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць