Палітык, сузаснавальнік партыі «Беларуская хрысціянская дэмакратыя» і пісьменнік больш за тры гады ўтрымліваецца ў зняволенні.
Паўла Севярынца затрымалі 7 чэрвеня 2020 года каля дома, калі ён вяртаўся з перадвыбарчага пікета Святланы Ціханоўскай на мінскай Камароўцы.
Яго пяць разоў судзілі па адміністрацыйных артыкулах, але праз 75 дзён ён так і не выйшаў на волю, а супраць яго распачалі крымінальную справу.
У маі 2021 яму і яшчэ шасці палітвязням прысудзілі ад чатырох да сямі гадоў калоніі. Паўлу далі сем гадоў. Суд праходзіў у закрытым рэжыме.
У красавіку адміністрацыя папраўчай калоніі №17 прызнала Паўла «злосным парушальнікам рэжыму». Яго ўтрымлівалі ў ШІЗА некалькі месяцаў, а потым перавялі ў ПКТ на 3 месяцы. Вядома, што ў яго праз гэта пачаліся праблемы са здароўем.
Учора, 21 чэрвеня, у Шклове адбыўся суд па замене Севярынцу рэжыму ўтрымання. Суддзя Аляксандр Тараканаў пастанавіў перавесці палітыка ў турму тэрмінам на тры гады. Хутка яго этапуюць з калоніі, як паведамляе «Вясна».
Падтрымаць палітвязня пакуль можна па наступным адрасе: ПК №17, 213004, г. Шклоў, вул. 1-я Заводская, 8, Павел Канстанцінавіч Севярынец
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку15
Каментары