Сама меней 77 чалавек арыштаваныя ў Францыі за другую ноч беспарадкаў, выкліканых забойствам паліцыяй 17-гадовага кіроўцы, паведамляе BBC.
17-гадовы хлопец Наэль М., паводле папярэдніх звестак, алжырац па паходжанні, у аўторак быў спынены паліцэйскім патрулём за рулём аўтамабіля праз парушэнне правілаў і застрэлены.
Паліцыянты спачатку заявілі, што Наэль спрабаваў збіць іх, але на апублікаваным пазней і верыфікаваным агенцтвам AFP відэа здарэнне выглядае інакш.
Пасля гэтага ў ноч на сераду ў прыгарадах Парыжа ўспыхнулі беспарадкі.
Абураныя дзеяннямі паліцыі пратэстоўцы будавалі барыкады, стралялі па паліцэйскіх феерверкамі і спалілі некалькі дзясяткаў аўтамабіляў. Паліцыя адказвала слезацечным газам.
На відэа, апублікаваных у сацыяльных сетках, відаць, як у сераду па ўсім Парыжы падпальвалі аўтамабілі і рабавалі крамы.
У ноч на чацвер беспарадкі працягнуліся. Па паведамленні AFP, уначы каля 20 маладых людзей, узброеных феерверкамі, напалі на турму ў Фрэсне.
У Нантэры, парыжскім прыгарадзе, дзе нарадзіўся Наэль, паліцыя была вымушаная адступіць пад напорам пратэстоўцаў, як паведамляе Le Monde.
Уначы пратэстоўцы па ўсім Парыжы нападалі на паліцэйскія ўчасткі, закідваючы іх феерверкамі.
Асабліва вострай была сітуацыя вакол раёна Пабла Пікасо, дзе маладыя людзі выйшлі на вуліцы пасля захаду сонца і ўступілі ў сутыкненні з паліцыяй.
Сутыкненні дэманстрантаў з паліцыяй адбыліся таксама ў Лілі. На кадрах, размешчаных у сацсетках, відаць, як людзі ў ратушы прыгарада Монс-ан-Барэуль падпальваюць паперы і крэслы.
У горадзе Рэн каля 300 чалавек сабраліся, каб ушанаваць памяць юнака, некаторыя з іх запалілі вогнішчы, але былі разагнаныя паліцыяй.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
Калі не так, то ўсе гэтыя блмшчыкі злачынцы, якія цягнуць здабыткі цывілізацыі назад у джунглі, з бясконцымі войнамі племя на племя.
"А мне кажется, сила в них. Есть что-то первобытное, что-то животное, то, что мы давно потеряли, поэтому они сильнее." Брат2