Ліст пасажыра «Тытаніка» з Уругвая прадалі з аўкцыёну ў Мантэвідэа. Заплацілі за яго 12 тысяч даляраў.
Уругваец Рамон Артагавэйція Гомес напісаў ліст 11 красавіка 1912 года. Ён быў адрасаваны ягонаму брату і адпраўлены з Ірландыі. Якраз там «Тытанік» у апошні раз спыніўся перад пераходам праз Атлантычны акіян, дзе адбылася трагедыя.
Пасажырскі параход накіроўваўся па маршруце з англійскага Саўтгемптана ў амерыканскі Нью-Ёрк. 14 красавіка 1912 года «Тытанік» сутыкнуўся з айсбергам і затануў. Загінулі тады каля 1,5 тысячы чалавек з каля 2,2 тысячы, якія знаходзіліся на борце.
Абломкі лайнера знаходзяцца на глыбіні каля 3,8 тысячы метраў, нядаўна да іх спрабавалі дабрацца даследчыкі на батыскафе «Тытан», але гэтая спроба скончылася няўдачай, пяць чалавек загінулі.
Каментары