Вагнераўцы ў Растове так нашкодзілі цырку, што ён мусіць стаць на рамонт
«Сітуацыя, якая склалася сёння, цягне за сабой немагчымасць правядзення гастроляў цыркавых праграм да ліквідацыі ўсіх наступстваў», — паведаміў Расдзяржцырк у адказ на запыт, дасланы яму рэгіянальнай рэдакцыяй «Камсамольскай праўды».
Вагнераўскі танк, які захрас у цыркавых варотах у Растове
Падчас мяцяжу байцоў ПВК «Вагнер» 23 чэрвеня фасад цырка заблакаваў танк, а ў самім будынку размясціліся вагнераўцы.
Цяпер жа, калі прыйшоў час падлічыць страты, спецыяльна створаная камісія зафіксавала пашкоджанні дзвярэй, вокнаў і ўваходных груп будынка і ацэньвае шкоду. Пасля гэтага «спецыялізаваная арганізацыя» палічыць кошт рамонту, а ўжо тады цырк будзе вызначацца, дзе браць фінансаванне на правядзенне работ.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары