«Вялікая колькасць беларусаў моўчкі назірае за забойствамі». Украінскім шахматыстам рэкамендуюць не паціскаць рукі беларусам і расейцам
«Недапушчальна, каб шахматысты з Расеі і Беларусі гулялі ў любым статусе на афіцыйных турнірах, пакуль іх дзяржавы і грамадзяне ажыццяўляюць або падтрымліваюць акты тэрарызму ва Украіне», — лічаць у Федэрацыі шахмат Украіны.
Федэрацыя шахмат Украіны рэкамендавала сваім сябрам:
— устрымлівацца ад поціскаў рукі з прадстаўнікамі Расеі і Беларусі, незалежна ад таго, пад якім сцягам яны выступаюць.
— пазбягаць сумесных фота– і відэаздымак з прадстаўнікамі Расеі і Беларусі.
— пазбягаць размоў з прадстаўнікамі гэтых краін
— устрымлівацца ад дзеянняў, якія могуць нашкодзіць іміджу Украіны.
Федэрацыя рэкамендавала таксама падчас выступленняў на медыйных мерапрыемствах, у публічнай прасторы і ў сацыяльных сетках нагадваць, што «працягваецца вайна, якую вядуць супраць Украіны і яе народа Расея і Беларусь; пры гэтым вялікая колькасць расейцаў і беларусаў, у прыватнасці і шахматысты, альбо падтрымліваюць уладу сваіх краін, альбо моўчкі назіраюць за забойствамі і генацыдам украінцаў».
Украінская федэрацыя лічыць таксама недапушчальным, што Міжнародную федэрацыю шахмат (ФІДЭ) узначальвае расеец Аркадзь Дварковіч. «Дварковіч мусіць знаходзіцца пад санкцыямі і быць адхілены ад пасады прэзідэнта ФІДЭ», — заяўляе федэрацыя ўкраінскіх шахматыстаў.
Пасля выступлення Луганскага тэатра ў Мінску адна з глядачак выгукнула «Слава Украіне!»5
Каментары