У ноч на суботу сям'я праслаўленага баксёра Джорджа Формана паведаміла пра ягоную смерць ва ўзросце 76 гадоў.
Джордж Форман — ураджэнец Тэхаса. Ён атрымаў перамогу на Алімпіядзе 1968 года, а пасля пачаў кар'еру ў прафесійным боксе, дзе дасягнуў вялікіх поспехаў. У прыватнасці, з 1973 па 1974 год быў абсалютным чэмпіёнам свету.
У 1974 годзе Форман прайграў бой Махамеду Алі ў Кіншасе (тады Заір, а цяпер Дэмакратычная Рэспубліка Конга). Бой увайшоў у гісторыю пад назвай «грукат у джунглях». Вынік паядынку стаў нечаканасцю, паколькі фаварытам лічыўся менавіта Форман.
У 1977 годзе Форман пакінуў бокс, стаў хрысціянскім прапаведнікам, дапамагаў моладзі. Але ў 1987 годзе ён вярнуўся і выступаў яшчэ некалькі гадоў.
У 1991 годзе ён прайграў абсалютнаму чэмпіёну свету Эвандэру Холіфілду, але пры гэтым 42-гадовы Форман здзівіў многіх экспертаў тым, што змог даць канкурэнтны бой малодшаму суперніку.
У 1994 годзе ва ўзросце 45 гадоў Форман стаў чэмпіёнам свету па версіях WBA і IBF, атрымаўшы перамогу над Майклам Мурэрам. Прайграючы бой, ён змог адправіць Мурэра ў накаўт у канцы паядынку.
Форман дагэтуль лічыцца самым старым чэмпіёнам свету па боксе ў гісторыі ў цяжкай вазе.
Ён здолеў атрымаць поспех і па-за рынгам. У прыватнасці, Форман зрабіў сабе імя ў бізнэсе: ён стварыў кампанію па вытворчасці электрагрыляў, якія сталі папулярнымі. Амерыканскія СМІ адзначылі, што гэты бізнэс, верагодна, прынёс Форману больш грошай, чым усе ягоныя перамогі на прафесійным рынгу.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае19
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары