Што рабіць, калі хочаш правезці ў Беларусь кветкі, расліны ці насенне? Ці магчыма гэта ўвогуле, а калі так — ці трэба запаўняць нейкія дакументы? Адказы на гэтыя пытанні далі ў Дзяржаўным мытным камітэце.
Як піша БЕЛТА, калі вы ўвозіце ў краіну расліны, то трэба ісці праз чырвоны калідор, пасля чаго спатрэбяцца запаўненне пасажырскай мытнай дэкларацыі і прахаджэнне фітасанітарнага ды мытнага кантролю.
Насенне і пасадачны матэрыял можна ўвозіць толькі з фітасанітарным сертыфікатам ад упаўнаважанага органа краіны-экспарцёра або рээкспарцёра, незалежна ад вагі. Гэта тычыцца насення, пладоў, частак раслін для размнажэння, бульбы і матэрыялаў для навуковых даследаванняў.
Без сертыфіката можна ўвозіць да 5 кг прадукцыі так званай высокай фітасанітарнай рызыкі. Сюды ўваходзяць гародніна, садавіна, грыбы, зеляніна, арэхі і іншая прадукцыя. Таксама без дакументаў можна правезці адну дыню, кавун або гарбуз, а таксама да 3 букетаў зрэзаных кветак.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне13
Каментары