Маці, якая прыляцела з Нарвегіі, спадзяецца, што Марыя адновіцца.
Карыстальнікі інтэрнэту з усяго свету шукаюць драбнічкі новай інфармацыі пра лёс 20-гадовай украінскай мадэлі Onlyfans Марыі Кавальчук, разглядваюць яе сацсеткі і даюць сваю ацэнку сітуацыі.
Нагадаем, дзяўчыну знайшлі на абочыне адной з дарог Дубая з пераломамі ног і хрыбетніка пасля «вечарынкі з шэйхамі». Яна перанесла некалькі аперацый, але па-ранейшаму не можа рухацца.
Паліцэйскія абвяргаюць інфармацыю пра абочыну дарогі. Цяпер сцвярджаецца, што дзяўчына ўпала з вышыні ў зоне будоўлі:
«Паліцыя Дубая пацвярджае, што грамадзянка Украіны, пра знікненне якой раней паведамлялася, зараз шпіталізавана, атрымлівае медыцынскую дапамогу ў прысутнасці сваёй сям'і. Усебаковае расследаванне паказала, што яна атрымала сур'ёзныя траўмы пасля таго, як адна ўвайшла на абмежаваную будаўнічую пляцоўку і ўпала з вышыні».
Маці дзяўчыны насамрэч прыляцела ў Дубай з Нарвегіі, дзе знаходзілася раней, і будзе дапамагаць Марыі. «Яна праходзіць медыцынскае лячэнне, і ўсё будзе добра», — сказала жанчына.
Гісторыя прыцягнула ўвагу вельмі многіх сацыяльных груп, у твітары вядуцца сотні трэдаў пра сітуацыю з дзяўчынай. Феміністкі ўзялі Марыю на ўзбраенне як ахвяру гвалту. Украінцы выказваюцца наконт таго, наколькі дарэчна падчас вайны весці такі лад жыцця. Хапае галасоў і ад тых, хто піша «сама вінаватая, ведала, куды ішла».
Што цікавага ў сацсетках 20-гадовай Марыі?
Апошні твіт Марыі — зроблены за паўтара месяца да трагедыі — сабраў ужо каля 140 тысяч праглядаў. Відавочна, што абсалютная большасць чытачоў зайшла на старонку пасля таго, як даведалася пра сітуацыю ў Дубаі. Нават цяпер у дзяўчыны менш за 4000 падпісчыкаў, а было яшчэ менш.
Старонка дзяўчыны ў твітары называецца «Доза шчасця» і ўтрымлівае пад сотню эратычных здымкаў рознай ступені аголенасці.
Грамадская пазіцыя аднойчы ўсё ж праяўляецца. Допіс з карцінай у выглядзе ўкраінскага сцяга падпісаная #peaceforukraine (мір для Украіны).
Цікава, што Марыя Кавальчук неяк у Чарнагорыі прыняла ўдзел у акцыі салідарнасці з расійскім палітзняволеным Барысам Кагарліцкім.
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры6
Каментары
Феминизм головного мозга очень вреден. Наста Базар например считает что хейт в её сторону это потому что она женщина.