С 1 снежня ў Беларусі пашыраецца пералік тавараў, якімі можна гандляваць на рынках, паведамілі ў Міністэрстве гандлю.
У адпаведнасці з пастановай Савета Міністраў нумар 1102 ад 24 жніўня гэтага года, якая ўступае ў сілу з 1 снежня, у гэты пералік уключаны алкагольныя напіткі, тытунёвыя вырабы, цукар, мука, яйкі і іншыя тавары.
Пры гэтым гандляваць алкагольнымі напіткамі на рынку можна толькі ў стацыянарных гандлёвых аб’ектах. Дазволена рэалізацыя алкагольных напіткаў і тытунёвых вырабаў у магазінах, аб’ектах грамадскага харчавання, размешчаных на тэрыторыі рынкаў, незалежна ад іх прыналежнасці. Раней гэта было магчыма толькі ў прыналежных Белкаапсаюзу магазінах і прадпрыемствах грамадскага харчавання, якія маюць гандлёвую залу.
Спрашчаецца і гандаль цукрам, мукой, піратэхнічнымі вырабамі, насеннем маку, яйкамі, а таксама каштоўнымі металамі і камянямі, жэмчугам, бурштынам, мораным дубам ў аправе з каштоўных металаў і гадзіннікамі ў карпусах з каштоўных металаў. Цяпер гэтыя тавары можна будзе купіць акрамя звычайных магазінаў і ў магазінах‑складах. Адрозненне магазіна‑склада ў тым, што тут ажыццяўляецца аптовы продаж тавараў юрыдычным асобам, іх падраздзяленням і індывідуальным прадпрымальнікам па метаду самаабслугоўвання з мінімальнай гандлёвай надбаўкай, а магазіны — гэта аб’екты рознічнага гандлю.
Гандляваць курынымі яйкамі на рынку раней мелі права толькі прадпрыемствы‑вытворцы. Цяпер продаж дазволены і індывідуальным прадпрымальнікам на гандлёвых радах.
Як паведамілі ў Мінгандлі, пашырэнне пераліку тавараў, прадаваць якія можна на рынках, дасць магчымасць індывідуальным прадпрымальнікам і юрыдычным асобам, якія ажыццяўляюць дробнааптовы гандаль, значна пашырыць асартымент і павялічыць тавараабарот. У пакупнікоў жа з’явіцца больш магчымасцей набыць неабходныя тавары.
Анжаліка Мельнікава пасля знікнення набыла дзве кватэры ў Мінску90
Каментары