Дом пайшоў пад рэнавацыю, мурал накрылі цеплаізаляцыяй.
Адна з галоўных сучасных славутасцяў Оршы — маштабны мурал, створаны да 90-годдзя славутага земляка Уладзіміра Караткевіча — знік са сцяны дома №2 па вуліцы Марата. Партрэт пісьменніка апынуўся пахаваным пад пластом цеплаізаляцыі, піша «Віцебская Вясна».
Мурал быў створаны мясцовым мастаком Дзмітрыем Талкачовым і ўрачыста адкрыты ў лістападзе 2020 года да юбілею класіка. Гэта быў не проста партрэт: кампазіцыя ўключала фрагменты рукапісаў Караткевіча, ягоныя фірмовыя малюнкі на палях і радкі верша «Орша», прысвечанага роднаму гораду.
Месца было абрана сімвалічнае — сцяна дома выходзіць акурат на вуліцу, якая носіць імя пісьменніка.
За кароткі час мурал стаў папулярным турыстычным аб’ектам і пунктам прыцягнення для аматараў беларускай літаратуры.
Цяпер дом паставілі на рэнавацыю: тут уцяпляюць сцены, і партрэт Уладзіміра Сямёнавіча знік пад накладнымі будматэрыяламі.
Ці будзе мурал адноўлены, невядома. Афіцыйных каментароў з гэтай нагоды не было.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака11
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары