Грамадства11

Найбліжэйшым часам плануюць значна разбудаваць Фаніпаль

Адзін з гарадоў-спадарожнікаў Мінска — Фаніпаль — у найбліжэйшыя гады чакае маштабнае пашырэнне. Паводле планаў уладаў, да 2035 года насельніцтва горада можа вырасці з прыкладна 19 тысяч да 29 тысяч чалавек, піша Fanipol.by.

Здымак ілюстрацыйны. Фота: dzr.by

Улады рыхтуюць будаўніцтва новага жылога раёна на тэрыторыі больш за 200 гектараў.

Апошнія гады горад ужо актыўна забудоўваўся, асабліва ўздоўж вуліцы Зялёнай, але цяпер магчымасці для росту ў гэтым кірунку практычна вычарпаныя. Фаніпаль абмежаваны аўтатрасай, чыгункай, прамысловымі зонамі і радовішчамі карысных выкапняў, таму новае развіццё запланавана на поўдзень — у бок найбліжэйшых вёсак.

На месцы палёў і пустых тэрыторый плануюць стварыць паўнавартасны гарадскі квартал. Там з’явіцца шматкватэрнае жыллё прыкладна на 2400 кватэр, а таксама каля 300 участкаў для індывідуальнай забудовы. Разам з жыллём прадугледжана развіццё інфраструктуры: школа больш чым на тысячу вучняў, два дзіцячыя сады, гандлёвыя аб’екты, рынак, гатэль, бізнэс-цэнтр, установы харчавання, спартыўныя і забаўляльныя аб’екты, уключаючы боўлінг і SPA.

Таксама ў раёне павінны з’явіцца банк, пошта і сэрвісы пракату.

Аднак асноўнай праблемай застаецца транспарт. Частка новага раёна будзе знаходзіцца за чыгункай, і там можа жыць да траціны насельніцтва горада. Зараз сувязь з гэтай тэрыторыяй фактычна абмежаваная адным пераездам, дзе ўжо ўзнікаюць заторы. Для паляпшэння сітуацыі плануюць пабудаваць падземны тунэль, але спецыялісты сумняваюцца, што гэтага будзе дастаткова.

Будаўніцтва разлічана на два этапы — да 2030 і да 2035 года, але дакладныя тэрміны пачатку работ пакуль не вызначаныя.

Каментары1

  • see
    05.05.2026
    Ці падзішах ці ішак

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць