Вайсковы бюджэт Расіі перавысіў агульныя выдаткі на абарону ўсіх краін Еўропы

Выдаткі Расіі на абарону летась выраслі на 42% у рэальным выражэнні і склалі 13,1 трлн рублёў, вынікае з разлікаў аналітыкаў інстытута. Гэтая сума эквівалентная 462 млрд даляраў па парытэце пакупніцкай здольнасці, адзначае The Financial Times.

Сёлета агульныя выдаткі Расіі на абарону, уключаючы выплаты вайскоўцам ад рэгіянальных уладаў і кампаній, павялічацца на 13,7% і дасягнуць 15,6 трлн рублёў, што эквівалентна 7,5% ВУП або амаль 40% выдаткаў федэральнага бюджэту, вынікае з дакладу.

Паводле ацэнкі IISS, Масква ўсё яшчэ можа выдаткоўваць столькі на вайсковыя мэты. У той жа час абаронныя бюджэты ўсіх краін ЕС разам з Вялікабрытаніяй разам узятых у 2024 годзе склалі 457 млрд даляраў.

Еўрапейскія абаронныя выдаткі маглі б перавысіць расійскі вайсковы бюджэт, калі б краіны ЕС і Вялікабрытанія павялічылі свае вайсковыя бюджэты ўсяго да 3% ВУП, разлічылі ў IISS. Павелічэнне вайсковых выдаткаў ЕС і Вялікабрытаніі да 5% ВУП, павялічыла б гэтыя выдаткі на 800 млрд даляраў, што амаль удвая больш за цяперашні ўзровень выдаткаў Расіі.

З 2014 года вайсковыя выдаткі еўрапейскіх краін выраслі ўдвая, аднак далейшы іх рост можа быць стрыманы паступленнямі ад падаткаў, цытуе высновы аналітыкаў The Financial Times.

Абаронны бюджэт Германіі з 2014 года вырас на 23% і дасягнуў 86 млрд даляраў, перавысіўшы ўпершыню за 30 гадоў абаронны бюджэт Вялікабрытаніі (81 млрд даляраў). Аднак аналітыкі сумняюцца ў тым, што Берлін зможа падтрымліваць выдаткі на гэтым узроўні і выканае абавязацельства павялічыць выдаткі на абарону з 1,8% да 2% ВУП да 2029 года.

Вялікабрытанія траціць на абарону 2,3% ВУП, вынікае з дакладу. Урад краіны заявіў, што мае намер павялічыць гэты паказчык да 2,5%, не ўдакладніўшы, калі гэта адбудзецца. Выдаткі Францыі на абарону летась выраслі на 4,5%, да 64 млрд даляраў, што эквівалентна 2% ВУП.

Самы вялікі працэнт вайсковых выдаткаў ад ВУП у Эстоніі і Польшчы (4% і 3,25% адпаведна). Аднак іх абсалютныя ўзроўні выдаткаў на абарону былі істотна ніжэйшыя, чым у трох найбуйнейшых эканомік Еўропы, на ўзроўні 1,7 млрд і 28 млрд даляраў адпаведна.

У 2024 годзе Расія перайшла да інтэнсіўнага пераўзбраення войска з мэтай атрымаць магчымасць на роўных супрацьстаяць НАТА, паведаміла ў аўторак Дацкая служба замежнай разведкі. Паводле яе ацэнкі, пры цяперашнім узроўні выдаткаў краін Еўропы на абарону і адсутнасці падтрымкі з боку ЗША Крэмль праз пяць гадоў зможа пачаць буйнамаштабную вайну на кантыненце.

• 1
• 0
• 0
• 2
• 1
• 5
• 1
• 0