Святлана Ціханоўская ўпершыню выступіць на галоўнай сцэне Мюнхенскай канферэнцыі па бяспецы
Святлана Ціханоўская возьме ўдзел у Мюнхенскай канферэнцыі па бяспецы. Мерапрыемства збірае вядучых палітыкаў, экспертаў і прадстаўнікоў грамадзянскай супольнасці для разгляду ключавых пытанняў бяспекі ў свеце.
Мюнхенская канферэнцыя па бяспецы — адна з найважнейшых сусветных платформаў па абмеркаванню галоўных выклікаў знешняй палітыкі і ў сферы бяспекі. Сёлета івэнт асабліва важны — будуць шырока абмяркоўвацца пытанні міру ва Украіне і сітуацыю ў нашым рэгіёне.
Да таго ж, упершыню за чатыры гады Святлана Ціханоўская выступіць на асноўнай сцэне канферэнцыі, паведамляе яе прэс-служба.
«Удзел Ціханоўскай у двух дыскусіях асноўнай праграмы паказвае: у міжнародных дыскусіях пра бяспеку рэгіёна дзейнічае прынцып «нічога пра Беларусь без беларусаў», піша прэс-служба Ціханоўскай.
Пасля асноўных дыскусій адбудзецца асобны сайд-івэнт, прысвечаны сітуацыі ў Беларусі пасля «бязвыбараў-2025».
Падчас візіту Ціханоўская ўздыме важныя пытанні, што тычацца бягучай палітычнай і сацыяльнай сітуацыі ў нашай краіне. Яна распавядзе пра рэпрэсіі супраць беларускага народа, праблемы ціску з боку Расіі і пагрозы, што ідуць ад размяшчэння атамнай зброі на тэрыторыі Беларусі.
Мюнхенская канферэнцыя пройдзе з 14 па 16 лютага.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец137
Каментары