У Хойніках адкрылі памятны знак у гонар Івана Мележа. На рускай мове
Напярэдадні 104-годдзя з дня нараджэння беларускага пісьменніка, ураджэнца Хойнікшчыны Івана Мележа ў гарадскім парку на алеі «Ганаровыя грамадзяне Хойніцкага раёна» ўшанавалі імя класіка беларускай літаратуры. Справаздачу апублікавала мясцовае выданне.
На Хойнікшчыне працягваюцца мерапрыемствы, прысвечаныя 104-годдзю з дня нараджэння Івана Мележа, піша раёнка.
У Доме культуры прайшла літаратурна-музычная праграма «Пясняр палескай зямлі». А ў парку на алеі «Ганаровыя грамадзяне Хойніцкага раёна» ўшанавалі імя класіка памятным знакам. Летась Мележу было прысвоена званне «Ганаровы грамадзянін Хойніцкага раёна».
— Нам варта берагчы памяць пра чалавека, які сваёй творчасцю, любоўю да родных мясцін натхняў пакаленні беларусаў. Імя Івана Мележа носяць вуліцы ў гарадах нашай краіны, школы, тэатр і музей. Сёння мы аддаём даніну павагі славутаму земляку, — адзначыла кіраўнічка раённага аддзялення партыі «Белая Русь» Людміла Рудчанка, якая адкрывала памятны знак.
Памятны знак класіку беларускай літаратуры ў Хойніках паставілі на рускай мове.
Каментары
Да сапраўднага беларуса Быкава, дай боже, такой ўвагі не будзе.