Літовец у віленскім бары паспрачаўся з беларусам. Той даказваў, што Вільня — беларускі горад
У мінулыя выходныя ў віленскім начным бары да афіцэра запасу Даруса Антанайціса падышоў беларус. «Ён чапляўся да літоўцаў, па-руску казаў, што Вільня належыць Беларусі, што мы — жыхары Каўнаса і Жамойці, а Вільня і ўсходняя частка Літвы належаць Беларусі», — распавёў Delfi.lt Антанайціс.
Фізічнага кантакту з беларусам пазбегнуць удалося.
«Гэта не дзіўна было чуць. Дзіўна было чуць гэта ад чалавека, які жыве і працуе ў Літве, які прыехаў сюды, пэўна, як апазіцыянер Аляксандра Лукашэнкі. Аднак у Літве ён гне лінію беларускай прапаганды», — сказаў Антанайціс.
Delfi дадае, што прэзідэнцкая служба заклікае спыніць выдачу віз і дазволаў на жыхарства ў Літве беларусам, уніфікаваць абмежаванні для іх з тымі, што распаўсюджваюцца на расіянаў.
Гэтае пытанне прэзідэнт Гітанас Наўседа абмяркоўваў з кіраўніком парламенцкага камітэта Лаўрынасам Кашчунасам. «Гэта ідэя прэзідэнта, мне яна не чужая, я хачу адразу сказаць, што я гэта ўхваляю», — сказаў дэпутат.
Абмежаванні для расіянаў парламент увёў вясной 2023 года. Наўседа наклаў на іх вета, паколькі патрабаваў такіх жа абмежаванняў і для беларусаў.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску25
Каментары