У крамах з'явіліся аранжавыя кавуны. Чым яны адрозніваюцца ад звычайных?
Чытачы «Анлайнера» заўважылі, што ў мінскім супермаркеце з'явіўся «кавун аранжавы». Чым ён адрозніваецца ад звычайнага, акрамя колеру? Журналісты купілі яго і праверылі, ці каштуе гэты прадукт выдаткаваных на яго грошай.
Аранжавы кавун, як і звычайны, мае зялёную скурку, хоць на ёй няма выразна выяўленых палосак. Таму, каб пакупнікі не зблыталі адзін з другім, аранжавы пазначаны налепкай.
Вырасцілі гэтую незвычайную ягаду ў Расіі. Каштуе ж аранжавы кавун даражэй за звычайны практычна ў два разы: прадаецца па 2,49 рубля за кілаграм. Экзэмпляр памерам з невялікі мячык абышоўся ў 9 рублёў.
Пры разразанні кавун трашчыць. Асаблівасць гэтага сорту нібыта незвычайна моцная скурка, «таму ён добры кандыдат на далёкія перавозкі».
Мякаць пахне свежасцю і насычанай слодыччу. Тэкстура яе шчыльная, калі прыгледзецца, як быццам складаецца з сакавітых цукрынак. Костачкі размясціліся ў адну лінію — здаецца, іх менш, чым у звычайным чырвоным кавуне.
Што да смаку, то ўсё выдатна. Можа, гэта журналістам «Анлайнера» так пашанцавала, але аранжавы кавун здаўся ім больш салодкім, чым класічны. Ён хрусткі і сакавіты — хоць, напэўна, такімі павінны быць усе кавуны.
А яшчэ з ім атрымліваюцца прыгожыя фатаграфіі. Хоць, вядома, пытанне: ці варта дзеля ўсяго гэтага плаціць удвая больш.
Цяпер чытаюць
Сваякі каскадзёра, які ледзь не загінуў на аўташоу ў Лідзе, расказалі, што з ім цяпер1
Каментары