У Шклове падлетак праз няўважлівасць урэзаўся ў грузавік. Але пад крыміналку трапіў кіроўца грузавіка
19 жніўня каля 14:00 на вуліцы 70 гадоў Вялікай Перамогі ў Шклове 14-гадовы веласіпедыст, заязджаючы ў дваровую тэрыторыю, праявіў няўважлівасць і стукнуўся ў заднюю частку аўтамабіля ГАЗ, паведамляе магілёўская міліцыя.
Грузавік, у які ўрэзаўся падлетак
Пасля ДТЗ кіроўца папрасіў хлопчыка не распавядаць бацькам пра здарэнне і ўцёк з месца аварыі.
Аднак падлетак расказаў пра гэта маці, яна адвезла яго ў бальніцу. Як аказалася, школьнік зламаў руку.
Супрацоўнікі ДАІ Шклоўскага РАУС затрымалі кіроўцу, які ўжо паспеў выпіць спіртнога. У дачыненні да мужчыны складзены пратаколы за ўжыванне алкаголю пасля ДТЗ і ўцёкі з месца аварыі.
Каментары