Людзі сталі здаваць тэст на бота горш, чым самі боты — даследаванне
«Эпоха CAPTCHA цалкам адышла ў мінулае».
Боты сталі значна лепш і хутчэй спраўляцца з тэстамі CAPTCHA, чым людзі, якія самі і прыдумалі гэтыя тэсты для выяўлення і адсейвання ботаў.
Да такой высновы прыйшлі навукоўцы з Каліфарнійскага ўніверсітэта, якія нядаўна апублікавалі сваю працу ў часопісе New Scientist.
Новае даследаванне абапіралася на вынікі выпрабаванняў 1000 адабраных кандыдатаў розных узростаў, нацыянальнасцей, гендараў і ўзроўняў адукацыі. Яны павінны былі прайсці тэсты CAPTCHA на 120 вэб-сайтах і параўнаць свае паказчыкі правільнасці і хуткадзейнасці адказаў з такімі ж у сучасных ботаў розных відаў складанасці.
Вынікі аказаліся парадаксальнымі.
«Прадукцыйнасць ботаў аказалася значна вышэйшая за паказчыкі людзей. Наша 1000 кандыдатаў у сярэднім паказала ад 50 да 84% дакладнасці за 9—15 секундаў працы. Боты ж менш чым за секунду прадэманстравалі правільнасць адказаў у 99,8% выпадкаў. Эпоха CAPTCHA цалкам адышла ў мінулае», — сцвярджаюць навукоўцы ў сваім новым даследаванні.
Цяпер асноўная задача — пошук годнай альтэрнатывы тэстам «капчы», бо яны ўжо няздольныя выконваць свае базавыя функцыі выяўлення ботаў.
Навукоўцы з Каліфарнійскага ўніверсітэта прапануюць выкарыстоўваць складаныя алгарытмы або нейрасеткі, якія будуць фонава шукаць ботаў і праграмаваць для іх зусім новыя і рандомныя задачы. Гэты метад, па запэўненнях навукоўцаў, цалкам вызваліць карыстальнікаў ад праходжання бясконцых тэстаў на сайтах.
Пры гэтым даследчыкі падкрэсліваюць, што на гэты момант ніякія алгарытмы і нейрасеткі не змогуць спыніць па-сапраўднаму прасунуты штучны інтэлект, які будзе здольны цалкам зымітаваць паводзіны чалавека.
Чытайце яшчэ:
Што новага правяраюць у тэлефонах на мяжы пры вяртанні ў Беларусь
Чат-боты са штучным інтэлектам пішуць навіны. Як гэта змяняе працу рэдакцый
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
бо я ж увяла адвольную лічбу (няверную), а т.зв. камент надрукаваны