Джым, Джон ці Джо? Праверце, ці зможаце вы разабрацца ў гэтай лагічнай галаваломцы
Сардэчна запрашаем зноў у краіну рыцараў і ашуканцаў, дзе ёсць толькі два тыпы людзей: рыцары, якія заўсёды кажуць праўду, і шахраі, якія заўсёды хлусяць. Сёння мы пазнаёмімся з некаторымі з іх бліжэй.
Задача
На востраве рыцараў і ашуканцаў да вас звяртаюцца тры чалавекі: Джым, Джон і Джо.
Джым кажа: «Прынамсі адно з наступных сцвярджэнняў праўда. Джо — шахрай. А я — рыцар».
Джон кажа: «Джым можа сцвярджаць, што я шахрай».
Джо кажа: «Ні Джым, ні Джон не рыцары».
Дык хто з іх рыцар, а хто хлус?
Падказка
Найлепшай стратэгіяй рашэння будзе — выбраць сцвярджэнне; выказаць здагадку, што яно праўдзівае; і тады паглядзець, ці ўсё сыходзіцца так, каб сцвярджэнне сапраўды было праўдай. Калі вы зайшлі ў тупік або знайшлі супярэчнасць, паспрабуйце іншае сцвярджэнне. Адказ знойдзеце ніжэй.
Рашэнне
Ключ да разгадкі гэтай загадкі пра рыцараў і ашуканцаў заключаецца ў здагадцы, што сцвярджэнне Джо насамрэч праўда.
Сцвярджэнне Джо з’яўляецца самым простым для праверкі, так што давайце пачнем з яго. Джо сказаў: «Ні Джым, ні Джон не рыцары». Давайце выкажам здагадку, што Джо — рыцар і гаворыць праўду, а Джым і Джон — ашуканцы і хлусяць.
Джым сказаў: «Прынамсі, адно з наступных сцвярджэнняў праўда. Джо — шахрай. А я — рыцар». Калі Джым сам з’яўляецца шахраём і хлусіць, то ні адно з гэтых сцвярджэнняў не адпавядае рэчаіснасці, і таму Джо — сапраўды рыцар, а Джым — сапраўды шахрай. Пакуль гэта сыходзіцца з нашай здагадкай, што Джо кажа праўду.
Джон сказаў: «Джым можа сказаць, што я шахрай». Калі Джон хлус, як кажа Джо, то і Джонава сцвярджэнне таксама хлусня. Гэта таксама сыходзіцца, таму што Джым не мог бы назваць Джона шахраём, бо гэта было б праўдай, а мы мяркуем, што Джым — хлус.
Такім чынам, Джо — рыцар, а Джым і Джон — подлыя сексоты.
Ці зможаце вы запоўніць шклянку пры дапамозе запалак — галаваломка для аматараў фізікі
Праблема падпаленага кнота — ці зможаце вы рашыць гэтую матэматычную галаваломку
Класічная лагічная загадка пра хлусню
Два чалавекі абвінавачваюць адзін аднаго ў шпіянажы. Ці зможаце вы разабрацца, хто агентура, а хто не?
Памятаеце «паспяховую мільянерку» Зарэцкую? Выглядае, што яе кампанія — усё19
Памятаеце «паспяховую мільянерку» Зарэцкую? Выглядае, што яе кампанія — усё
«Самы цымус»: гісторык напісаў кнігу пра тое, як абаранкі скарылі Амерыку, а дранікі сталі і яўрэйскай стравай 4
Каментары