Ці дапусцяць дзіця да заняткаў без школьнай формы? Вось што адказалі ў Мінадукацыі
Школьніка дапусцяць да заняткаў і без формы, але з бацькамі будзе праведзена гутарка, паведаміла БЕЛТА намесніца начальніка галоўнага ўпраўлення агульнай сярэдняй, дашкольнай і спецыяльнай адукацыі — начальніца ўпраўлення агульнай сярэдняй адукацыі Міністэрства адукацыі Ірына Каржова.
«Адназначна так. Не маюць права не пусціць», — сказала Ірына Каржова, адказваючы на пытанне, ці пусцяць ва ўстанову адукацыі дзіця без школьнай формы.
Аднак далей педагогі будуць працаваць з бацькамі гэтага вучня, звяртаючы ўвагу на тое, як можа адчуваць сябе дзіця ў калектыве. Пры неабходнасці будзе прапанавана матэрыяльная дапамога, адзначыла начальнік упраўлення.
У школу пусцяць і без зменнага абутку. «Пусцяць, вядома, але зноў жа — будуць працаваць з бацькамі», — сказала Ірына Каржова.
Яна звярнула ўвагу на тое, што бацькі, прыходзячы на работу ў зімовых ботах, пераабуваюцца, паколькі праводзіць у іх цэлы дзень у памяшканні нязручна і нездарова.
«Тут, як і з харчаваннем: можна адмовіцца. Але ў той жа час трэба растлумачыць, што для здароўя дзіцяці з'есці гарачы суп лепш, чым булачку з сокам», — сказала начальніца ўпраўлення.
У мінскіх школах з наступнага года падумваюць увесці адзіную форму — з дзяржаўнай сімволікай
«Трэба не пагружацца ў культуру і гісторыю носьбітаў мовы». Намеснік міністра адукацыі расказаў, як ідэйна правільна вывучаць замежныя мовы
Мінадукацыі прапанавала настаўнікам, вучням і іх бацькам паведамляць пра памылкі ў падручніках
Як склаўся лёс хлопца з вядомага жыццесцвярджальнага фота студэнцкага маршу-2020?6
Каментары
Ну, і з формай мабыць тая самая справа.
Ну, і што хвалюе - колькі той формы трэба купляць, каб у ёй кожны дзень хадзіць? Нятанна гэта мець хаця б два камплекты. І памятаем, што дзеці хутка растуць.