Прызначылі новага міністра абароны Вялікабрытаніі. Ён паабяцаў падтрымліваць Украіну
Грант Шэпс стаў новым міністрам абароны Вялікабрытаніі пасля адстаўкі Бэна Уолеса.

Новы міністр абароны Брытаніі паабяцаў працягваць падтрымку Украіны.
«Прыступаючы да працы ў Міністэрстве абароны, з нецярпеннем чакаю супрацоўніцтва з адважнымі мужчынамі і жанчынамі нашых Узброеных сіл на варце бяспекі нашай краіны і працягу падтрымкі Вялікабрытаніяй Украіны ў яе барацьбе супраць варварскага ўварвання Пуціна», — напісаў ён.
Літаральна на мінулым тыдні Шэпс наведваў Кіеў як міністр энергетыкі і напісаў тады, што «ўбачыў людзей, якія рашуча выступілі супраць тыраніі Пуціна і агрэсіі Расіі».
Вясной 2022 года Шэпс паведамляў, што прыняў у сябе дома сям'ю ўкраінскіх уцекачоў.
Бэн Уолес сёння падаў у адстаўку з пасады міністра абароны Вялікабрытаніі. На пытанне, што ён будзе рабіць далей, Уолес адказаў, што быў бы рады пайсці працаваць у бар або проста заняцца нечым зусім іншым.
Каментары
Ці неяк паміж сабой унытры дамауляцца ..а ні гєєєєць усе усіх.?? У04 -05 неяк дамовілісь??з трєццяга захода абралі яныка)) У " васточнам партнерстве" якое пажадалі аб " зброе" нічога ні напісана..Там толькі " гарбуз павінене быць квадратны агурок круглы ..і правы меншасцей і жывел" Аб зброе.ні...чего