Прэзідэнт Міжнароднага алімпійскага камітэта (МАК) Томас Бах лічыць, што беларускім і расійскім спартсменам, якія не падтрымліваюць вайну, варта дазволіць удзел у Алімпійскіх гульнях. Такое меркаванне ён выказаў у інтэрв'ю выданню CNBC-TV18.
Томас Бах заявіў, што рашэнне аб допуску ці нядопуску спартсменаў на Алімпіяду наўрад ці будзе прынята ў найбліжэйшы час.
«Не думаю, што канчатковае рашэнне будзе прынята ў найбліжэйшыя некалькі дзён. Думаю, у вас ёсць дакладнае ўяўленне аб нашых рэкамендацыях: ніякіх камандаў, гімнаў, кветак, ніякай нацыянальнай ідэнтыфікацыі ў дачыненні да Расіі і Беларусі.
З іншага боку, дазволена спартсменам, якія не падтрымліваюць вайну і якія не звязаны з вайсковымі або іншымі службамі ў Расіі ці Беларусі, спаборнічаць у якасці індывідуальных і нейтральных атлетаў, а не як прадстаўнікоў сваіх краін», — заявіў Бах.
«З аднаго боку, у нас расійскі ўрад, які хоча, каб мы ігнаравалі ўвесь свет. З іншага боку, у нас украінскі ўрад, які кажа, што трэба цалкам ізаляваць усіх з расійскім пашпартам, а гэта немагчыма з улікам нашых каштоўнасцяў. Гэта немагчыма з улікам правоў чалавека. Гэта немагчыма з улікам Алімпійскай хартыі.
І таму мы прыйшлі да гэтай формулы: абараняць правы чалавека як індывідуальнага спартоўца, але караць расійскую дзяржаву, улады за парушэнне Алімпійскай хартыі», — патлумачыў свой пункт гледжання Бах.
Чытайце таксама:
Міжнародная федэрацыя бадмінтона дапусціла беларусаў да спаборніцтваў у нейтральным статусе
Кіраўнік World Athletics: Наўрад ці беларускія і расійскія лёгкаатлеты трапяць на Алімпіяду ў Парыжы
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары