Суд ЕС адмовіўся здымаць санкцыі з Synesis — кампаніі, якая дала беларускім уладам доступ да распазнавання твараў
Беларуская IT-кампанія Synesis і яе ўладальнік Аляксандр Шатроў не змаглі дамагчыся зняцця санкцый Еўрасаюза за ўдзел у рэпрэсіях рэжыму Лукашэнкі супраць грамадзянскай супольнасці. Суд ЕС адхіліў іх пазовы, піша Deutsche Welle.
Суд Еўрапейскага саюза ў Люксембургу ў сераду не задаволіў пазоваў беларускай кампаніі Synesis і яе ўладальніка Аляксандра Шатрова да Рады ЕС, пададзеныя ў сувязі з уведзенымі ў дачыненні да іх санкцыямі.
Шатроў і Synesis падалі пазовы супраць Рады ЕС у 2022 годзе. IT-кампанія Synesis са снежня 2020 года знаходзіцца пад санкцыямі Еўрасаюза як распрацоўшчык сістэмы распазнавання твараў Kipod.
У «Афіцыйным часопісе ЕС» пазначана, што «Synesis дала беларускім уладам платформу відэаназірання Kipod, якая дазваляе ажыццяўляць пошук і аналіз відэазапісаў, а таксама выкарыстоўваць праграмнае забеспячэнне для распазнавання твараў, што робіць кампанію адказнай за рэпрэсіі грамадзянскай супольнасці і дэмакратычнай апазіцыі з боку дзяржаўнага апарату Беларусі».
Кампанія Synesis і рэжым Лукашэнкі
Synesis — гэта адзін з рэзідэнтаў Парка высокіх тэхналогій, створанага згодна з указам Аляксандра Лукашэнкі, і таму карыстаецца шматлікімі льготамі. Такім чынам, кампанія атрымлівае выгаду праз сваю сувязь з рэжымам Лукашэнкі і ягоную падтрымку, зазначаюць у Бруселі.
Шатроў трапіў у чацвёрты санкцыйны спіс ЕС у чэрвені 2021 года. Як сказана ў «Афіцыйным часопісе ЕС», «у якасці былога кіраўніка і асноўнага акцыянера ТАА Synesis Аляксандр Шатроў быў адказны за прыняцце рашэння аб перадачы беларускім уладам платформы відэаназірання Kipod, якая дазваляе ажыццяўляць пошук і аналіз відэазапісаў, а таксама выкарыстоўваць праграму распазнавання твараў».
На думку Рады ЕС, такім чынам ён унёс свой уклад «у падаўленне грамадзянскай супольнасці і дэмакратычнай апазіцыі дзяржапаратам Беларусі».
Цяпер чытаюць
Уладальнікі знакамітага «дома мары» пад Мінскам распавялі Дудзю, чаму прадалі дом і эмігравалі3
Каментары