Аналіз бяруць у выглядзе саскрэбу са слізістай абалонкі ўнутранага боку шчакі.
Генетычны пашпарт дапамагае выявіць схільнасць да многіх сур'ёзных захворванняў. У Беларусі яго можна зрабіць у Інстытуце генетыкі і цыталогіі Нацыянальнай акадэміі навук. Даследаванне дапамагае выявіць схільнасць да 19 захворванняў, распавёў журналістам намеснік дырэктара па навуковай рабоце Інстытута генетыкі і цыталогіі НАН Беларусі Павел Марозік, піша Office Life.
Гаворка ідзе пра сардэчна-сасудзістыя захворванні, цукровы дыябет, касцёва-цягліцавыя, аўтаімунныя і іншыя хваробы.
Па словах Марозіка, дзякуючы такім даследаванням можна выявіць найбольш распаўсюджаныя мутацыі ў беларускай папуляцыі, а таксама вызначыць генетычны профіль насельніцтва.
Аналіз бяруць у выглядзе саскрэбу са слізістай абалонкі ўнутранага боку шчакі.
Кошт пашпарта залежыць ад колькасці даследаванняў. Напрыклад, на сайце лабараторыі генетыкі чалавека НАН Беларусі ўказана, што ацэнка рызыкі сардэчна-сасудзістых захворванняў абыдзецца ў 323 рублі.
Сюды ўваходзяць даследаванні на схільнасць да інфаркту міякарда, фібрыляцыю перадсэрдзя, флебатрамбозу і тромбаэмбаліі лёгачнай артэрыі.
Каментары
Спрачаймася, замовіць вынікі тэсту ананімна немагчыма?