Сёння ЦВК паказала лагатып выбарчай кампаніі 2024 года. І гэта падобна да дыверсіі
Сёння ЦВК пафасна анансавала лагатып так званай выбарчай кампаніі 2024 года. Але зноў усё пайшло не па плане.
«Распрацоўка лагатыпа — толькі адзін са складнікаў шматэтапнай працы, якая праводзіцца ЦВК Беларусі па інфармаванні грамадзян аб маючых адбыцца выбарах дэпутатаў у адзіны дзень галасавання», — распавёў на пасяджэнні ЦВК Беларусі намеснік начальніка арганізацыйнага аддзела апарата ЦВК Сяргей Шмарлоўскі.
«Асноўны візуальны пасыл — выява дзяржаўнага сцяга Рэспублікі Беларусь і напісанне чырвоным і зялёным колерамі тэксту «адзіны дзень галасавання», што, паводле ЦВК, «сімвалізуе агульнарэспубліканскі характар мерапрыемства, незалежнасць і свабоду выбару пры прыняцці рашэння ў дзень галасавання».
Свабоду выбару прадставілі так: «птушачка» — гэта «знак згоды, ️ часцей за ўсё прастаўляецца выбаршчыкамі ў бюлетэнях для галасавання, зʼяўляецца адным з элементаў геральдычных сімвалаў Цэнтральнай выбарчай камісіі».
Дынамічны ж нахіл шрыфту, паводле распрацоўшчыкаў, паказвае «накіраванасць у будучыню, паступальнае развіццё краіны, стварэнне ў імя будучых пакаленняў праз усвядомлены выбар кожнага грамадзяніна».
Апроч спрэчных дызайнерскіх вынаходніцтваў, беларусы знайшлі тут адно бясспрэчнае — прыдуманы сцяг Беларусі. Такога сцяга не існуе, звярнула ўвагу Вікторыя Пальчыс.
Вертыкальная арнаментная паласа павінна быць чырвонага колеру на белым фоне.
ЦИК выкатил лого единого дня голосования. «Основной визуальный посыл — изображение государственного флага Республики Беларусь» (с)
Только вот — внимание на орнамент! — флага такого не существует.
Что это? Диверсия? Подрыв системы изнутри? pic.twitter.com/mSJcVDraWX
Такі лагатып можна ацаніць як здзек з дзяржаўных сімвалаў.
У тэлеграме лагатып хутка выправілі. А вось на афіцыйным сайце па-ранейшаму вісіць памылковы варыянт.
Каментары
Статья 370. Надругательство над государственными символами
Надругательство над Государственным гербом Республики Беларусь, Государственным флагом Республики Беларусь, Государственным гимном Республики Беларусь –
наказывается штрафом, или исправительными работами на срок до двух лет, или арестом, или ограничением свободы на срок до трех лет, или лишением свободы на тот же срок.