Чатыры гады «хіміі» і 3700 рублёў штрафу: прамоўтару вынеслі прысуд за «шматлікія абразы» сілавікоў і Лукашэнкі
На судзе Уладзіслаў Мураўскі настойваў, што мае псіхічны разлад.
Да чатырох гадоў абмежавання волі з накіраваннем у папраўчую ўстанову адкрытага тыпу і штрафу ў памеры 100 базавых велічынь асудзілі прамоўтара Уладзіслава Мураўскага па шэрагу пратэсных артыкулаў. Справа разглядалася ў судзе Ленінскага раёна Мінск з 31 кастрычніка да 2 лістапада. Судовы працэс вяла суддзя Юлія Шчоткіна, піша «Вясна».
Мураўскага абвінавацілі ў абразах прадстаўнікоў улады ў сувязі з выкананнем ім службовых абавязкаў (арт. 369 КК), пагрозам гвалту ў дачыненні да суддзі (арт. 389 КК) і публічнай абразе Аляксандра Лукашэнкі (ч. 1 арт. 368 КК).
Па матэрыялах абвінавачання Уладзіслаў Мураўскі неаднаразова публічна абражаў прадстаўнікоў улады ў тэлеграм-каналах і чатах («Каратели Беларуси», «Чат-Партизан», «Мая краіна Беларусь»), а таксама разгалошваў іх асабістыя даныя.
Сярод пацярпелых — участковы інспектар міліцыі УУС адміністрацыі Заводскага раёна Мінска, дэпутат Палаты прадстаўнікоў член Пастаяннай камісіі па правах чалавека, следчы раённага аддзела СК па Заводскім раёне, камандзір АМАП ГУУС Мінгарвыканкама, начальнік аператыўна-пошукавага аддзела ГУУС, а таксама тройчы — Аляксандр Лукашэнка.
Паводле следства, Мураўскі «таксама выказваў пагрозы гвалтам у дачыненні да суддзі Фрунзенскага раёна Мінска». Па гэтым эпізодзе, у ходзе судовага працэсу, першапачатковае абвінавачанне па ч. 1 арт. 366 КК (гвалт альбо пагроза ў дачыненні да службовай асобы, якая выконвае службовыя абавязкі) было перакваліфікавана на пагрозы гвалту ў дачыненні да суддзі (арт. 389 КК).
Мураўскі на судзе заявіў, што не прызнае сябе вінаватым, спаслаўшыся, што нічога не памятае нічога з паказанняў і размешчаных у інтэрнэце каментароў з прычыны псіхічнага захворвання ў форме змяшанага разладу, пасля чаго адмовіўся даваць якія-небудзь тлумачэнні.
Ягоная маці ў судзе паведаміла, што ў сына маецца псіхічнае захворванне — змяшаны разлад асобы. Аднак заключэнне эксперта абвергла наяўнасць уплыву псіхічнага разладу на магчымасць запамінаць падзеі і інфармацыю.
Пра Мураўскага вядома, што яго затрымлівалі на акцыі 14 ліпеня 2020 года ў Мінску.
Суд прызначыў Мураўскаму пакаранне чатыры гады хіміі і штраф 3700 рублёў.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары