Расейцы, якія расстралялі байцоў УСУ, што здаліся ў палон, ліквідаваныя — кіраўнік Аўдзееўскай ГВА
Расейскія вайскоўцы, якія пакаралі смерцю бяззбройных украінскіх вайскоўцаў, ліквідаваныя, паведаміў начальнік Аўдзееўскай гарадской вайсковай адміністрацыі Віталь Барабаш у эфіры тэлеканала Freedom, піша «УП».
Скрын відэа
«Яны здаваліся ў палон з-за таго, што ў іх скончыўся боекамплект. Наколькі мне вядома, крыху пазней нашы хлопцы «штурманулі» гэтыя пазіцыі, і ўсе хто там знаходзіўся, былі ліквідаваныя», — сказаў ён.
У суботу ў сеціве зʼявілася відэа расстрэлу расейцамі ўкраінскіх вайскоўцаў, якія здаваліся ў палон, верагодна, каля Сцяпнога.
Офіс генпракурора Украіны паведаміў аб пачатку расследавання па гэтым відэа.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы12
Каментары