«Не баяцца быць сабой». Журналістка «Трыбуны» Сабіна Аліева зрабіла камінг-аўт
Сабіна Аліева зрабіла камінг-аўт і назвала сваё першае каханне сярод жанчын, заўважыў канал Кулуары KYKY.
Сабіна вядзе англамоўны падкаст Sabʼs Corner Podcast. У адзін з эпізодаў яна паклікала баскетбалістку Кацю Сныціну і спытала ў яе:
— Ты не супраць, калі я раскажу, што мы сустракаліся?
— Вядома, мая жонка ведае пра гэта. Атрымліваецца, гэта твой афіцыйны камінг-аўт?
Сабіна адказала «так» і дадала, што Каця была першай, хто прымусіў яе задумацца, што ёй «падабаюцца не толькі хлопчыкі».
Пасля Сабіна напісала пост у Instagram:
«Мае першыя адносіны паставілі вельмі высокую планку ў першую чаргу для мяне самой. Гэтыя адносіны навучылі мяне, як па-сапраўднаму любіць і падтрымліваць не толькі іншых, але і сяброў, а таксама не баяцца быць сабой».
Сама Сныціна не так даўно пазнаёміла беларусаў са сваёй жонкай Надзеяй Бродскай — яе афіцыйны камінг-аўт здарыўся ў шоу Мікалая Халезіна.
Цяпер чытаюць
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары