Грамадства

«Піша вельмі бадзёрыя лісты». Што вядома пра зняволенага дырэктара газеты «Белорусы и рынок» Канстанціна Залатых

З ліпеня 2023 года дырэктара газеты «Белорусы и рынок» Канстанціна Залатых трымаюць у папраўчай калоніі № 1 у Наваполацку. Вядома, што палітвязень працуе на сартаванні поліэтыленавых гранул, а ў вольны час чытае шмат філасофскай і гістарычнай літаратуры. Падрабязнасці сталі вядомыя ад жонкі Канстанціна Наталлі, піша «Радыё Свабода».

«Пра ўмовы ў калоніі піша, што нармальныя, але думаю, што такія самыя, як і ў іншых палітвязняў. У вольны час чытае, аднак вольнага часу ў іх там няшмат. Лісты даходзяць яму толькі ад найбліжэйшых сваякоў, і ад яго тое самае. Званіць з калоніі яшчэ яму не дазволілі ніводнага разу», — расказала Наталля.

Канстанціну Залатых 54 гады. У калоніі ён працуе на сартаванні поліэтылену. Вось што ягонай жонцы вядома пра гэтую працу:

«Яны там уручную перабіраюць поліэтыленавыя гранулы, з якіх потым робяць плёнку.

Напісаў, што ёсць добрыя гранулы, а ёсць непрыдатныя, вось іх трэба аддзяліць. Наколькі гэта цяжкая і шкодная праца, не ведаю, але, як сказала адна жонка вязня, яны «працуюць папялушкамі».

Паводле Наталлі Залатых, яе муж і ў калоніі знаходзіць магчымасць займацца сур’ёзнымі кнігамі.

«Чытае, напрыклад, «Гісторыю заходняй філасофіі» Бертрана Расэла, «Мастацтва вайны» Сунь Цзы. Чытае і кнігі па-ангельску. Вельмі любіць гісторыю, асабліва ваенную, тэорыю палітыкі і эканомікі, філасофію. Некаторыя кнігі, якія яго цікавяць, замаўляе праз кнігарню і потым чакае, пакуль прыйдуць», — расказала Наталля Залатых.

Жонцы палітвязня невядома, ці займаецца ён у калоніі спортам.

«Наколькі ведаю, палітычных не бяруць у спартовыя гульні, не дазволена. Але не скардзіўся на стому, піша, што здаровы. Ён увогуле піша вельмі бадзёрыя лісты і адносна харчавання не скардзіцца.

Ён у мінулым чалавек вайсковы, таму кашы можа есці і не наракае. Піша, што і рыбу даюць, і мяса, а на вячэру звычайна смажаная «варонка» — падсмажаная вараная каўбаса. Яшчэ ў яго ёсць «атаварка» — можна ў краме набыць нешта дадатковае, але не на 222 рублі, як ва ўсіх, а толькі на 74 рублі».

Канстанціна Залатых арыштавалі ў траўні 2022 года. Спачатку яго ўтрымлівалі ў СІЗА ў Жодзіне, потым на «Валадарцы». У сакавіку 2023 года Мінскі гарадскі суд на закрытым пасяджэнні прызнаў дырэктара газеты «Белорусы и рынок» Канстанціна Залатых вінаватым паводле чатырох артыкулаў Крымінальнага кодэкса, уключна з абразай Лукашэнкі і распальваннем сацыяльнай ды іншай варажнечы і прысудзіў яму 4 гады зняволення. Сваёй віны Канстанцін Залатых не прызнаў. Беларускія праваабаронцы прызналі журналіста палітвязнем.

Каментары

Цяпер чытаюць

Крымскі мост зруйнаваны ўдарам ракет «Фламінга»13

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»13

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць