Па атрыманні Беларуссю незалежнасці старшынямі КДБ пабылі 10 службоўцаў. Пасля звальнення адны былыя чэкісты знаходзілі працу ў Маскве, іншыя, хоць і былі ў апале, ехалі пасламі. Але бывалі і іншыя павароты.
Эдуард Шыркоўскі
Старшыняваў у КДБ з 1990 па 1994 гады. Быў кіраўніком КДБ БССР і захаваў пасаду ў незалежнай Беларусі.
Нагодай стала выдача Літве кіраўнікоў тамтэйшай кампартыі Міколаса Буракавічуса і Юозаса Ермалавічуса, якіх на радзіме абвінавачвалі ў спробе дзяржаўнага перавароту ў студзені 1991 года. Камуністы перабывалі ў Беларусі нелегальна.
61-гадовы Эдуард Шыркоўскі 31 сакавіка 1994 года выйшаў на пенсію. У даступных крыніцах няма звестак, чым займаўся адстаўны генерал КДБ.
Генадзь Лавіцкі
Лавіцкі ўзначальваў КДБ 5 месяцаў: з 22 лютага па 23 ліпеня 1994 года.
У адстаўку сілавік сышоў пасля таго, як Кебіч, якога ён падтрымліваў, прайграў на прэзідэнцкіх выбарах Лукашэнку.
У 1995 годзе Лавіцкі прыняў прапанову Лукашэнкі стаць паслом Беларусі ў Ізраілі.
Памёр Лавіцкі пасля цяжкай хваробы 18 верасня 2013 года. Яму быў 71 год.
Уладзімір Ягораў
Кіраўніком ведамства Лукашэнка прызначыў Ягорава праз паўгода, як Вярхоўны савет адправіў таго ў адстаўку з пасады міністра ўнутраных спраў.
Працоўную дзейнасць Ягораў пачаў з дырэктарства ў Чэрыкаўскім доме культуры. Падчас прэзідэнцкіх выбараў 1994 года быў даверанай асобаю Станіслава Шушкевіча.
У адстаўку ж сышоў, бо ў 1995-м наважыўся балатавацца ў Вярхоўны савет.
Пасля рэферэндуму 1996 года Лукашэнка падпісаў закон «Аб спыненні паўнамоцтваў Вярхоўнага савета трынаццатага склікання». З дэпутатаў, лаяльных Лукашэнку, была сфармаваная Палата прадстаўнікоў.
У далейшым выйшаў на пенсію. Перанёс некалькі аперацый на сэрцы.
Уладзімір Мацкевіч
Старшыня КДБ з 20 снежня 1995 года па 27 лістапада 2000 года.
Мацкевіч і Бажэлка прыходзілі да Аляксандра Лукашэнкі з прапановай арыштаваць дзяржсакратара Рады Бяспекі Віктара Шэймана, які даручыў камандуючаму ўнутранымі войскамі (у будучым міністру ўнутраных спраў) Юрыю Сівакову сфармаваць каманду для выканання спецыяльных заданняў.
Быў паслом Беларусі ў Югаславіі (з 2001) і па сумяшчальніцтве ў Босніі і Герцагавіне (з 2002).
У Расіі працаваў дарадцам у кампаніі «Савкамфлот», якая спецыялізуецца на дастаўцы нафтапрадуктаў па моры.
У 2015 годзе вярнуўся ў Беларусь. Рабіў дарадцам у кампаніі «Газпромнафта».
Леанід Ерын
Ерын кіраваў ведамствам, калі ў Беларусі праходзілі тры электаральныя кампаніі, якія суправаджаліся масавымі пратэстамі.
Па яго выніках была змененая канстытуцыйная норма, якая абмяжоўвала прэзідэнцкія паўнамоцтвы двума тэрмінамі. Лукашэнка атрымаў магчымасць балатавацца на пасаду прэзідэнта колькі заўгодна разоў.
Ерын быў першым на той час кіраўніком беларускага КДБ, які вінаваціў замежныя сілы ў правакацыях падчас правядзення выбарчых кампаніях. Ён жа заяўляў, што КДБ мае намер узмацніць кантроль за інтэрнэтам.
Старшыня КДБ дазваляў сабе несанкцыянаваныя Лукашэнкам публічныя вольнасці.
Падчас гутаркі Ерын сказаў, што «прыйдзе час і ўсе даведаюцца праўду».
У 2005 годзе генерал-лейтэнант Леанід Ерын знайшоў працу ў Маскве. Яго ўзялі дарадцам генеральнага дырэктара Расійскай чыгункі па транспартнай бяспецы.
У 2019 годзе 67-гадовы былы кіраўнік беларускага КДБ уваходзіў у праўленне фонду «Транспартная бяспека» і ўзначальваў упраўленне па абароне персанальных даных Расійскай чыгункі.
Сцяпан Сухарэнка
Сухарэнка праславіўся гучнымі заявамі аб падрыхтоўцы апазіцыяй баевікоў, якія будуць удзельнічаць у масавых беспарадках і нават праводзіць тэракты.
25 сакавіка быў затрыманы прэтэндэнт на прэзідэнцтва Аляксандр Казулін, які вёў калону да ізалятара на Акрэсціна. Пазней палітыка асудзілі да 5,5 года калоніі агульнага рэжыму за «злоснае хуліганства». Ён быў вызвалены ў 2008 годзе.
Афіцыйна Сухарэнку і яго першага намесніка Васіля Дземянцея адправілі ў адстаўку «ў сувязі з пераходам на іншую работу».
У 2008 годзе Сухарэнку Лукашэнка адправіў паслом у Арменію. Там ён прабыў да 2015 года.
У 2018 годзе сям’я Сухарэнкі здавала катэдж у Драздах за 3500 даляраў у месяц.
Юрый Жадобін
Старшыня КДБ з 17 ліпеня 2007 года па 15 ліпеня 2008 года.
Ён патрабаваў ад падначаленых, каб на службу прыходзілі ў форме, шыхтаваў іх на плацу і зачытваў загады.
«У так званую супольнасць дэструктыўных элементаў, — казаў ён, — уваходзіць усяго 1767 асобаў. Мы іх усіх ведаем пайменна, і іх не робіцца ні больш, ні менш».
Дзяржсакратаром у Радзе бяспекі былы кіраўнік КДБ прабыў больш за год. Пасля крытыкі Лукашэнка прызначыў яго міністрам абароны.
Затым у 60 гадоў у званні генерал-лейтэнанта быў звольнены ў запас па ўзросце.
Вадзім Зайцаў
Старшыня КДБ з 15 ліпеня 2008 года па 9 лістапада 2012 года.
На 4,5 года старшынавання Зайцава ў ведамстве прыпалі лібералізацыя, прэзідэнцкія выбары, якія скончыліся брутальным разгонам Плошчы-2010 і арыштам кандыдатаў у прэзідэнты.
У 2011 годзе адбыўся тэракт у мінскім метро.
За час кіраўніцтва КДБ Зайцавым былі скандалы, звязаныя з супрацьстаяннем яго ведамства з рознымі іншымі сілавымі службамі.
Зайцава адправілі ў адстаўку 9 лістапада 2012 года.
У 2013 годзе генерал-лейтэнант Зайцаў стаў генеральным дырэктарам найбуйнейшага ў Мінску прыватнага кабельнага аператара «Космас ТБ».
Валерый Вакульчык
На гэты час прыпала вызваленне палітвязняў, якія трапілі за краты па разгоне Плошчы-2010, чарговая лібералізацыя, якая пачалася пасля інтэрвенцыі Расіі ва Украіну (акупацыі Крыму і развязання вайны на Данбасе), масавыя пратэсты супраць дэкрэту «Аб дармаедстве».
Лукашэнка ў інтэрвʼю расійскім журналістам заявіў, што кіраўнік КДБ пазбавіўся сваёй пасады праз затрыманне ў краіне 33 расіян.
Лукашэнка прызначыў Вакульчыка дзяржаўным сакратаром Рады бяспекі.
3 лістапада Вакульчык быў звольнены са службы ў запас па ўзросце.
Цяперашні кіраўнік КДБ — Іван Церцель. На пасаду быў прызначаны 3 верасня 2020 года.
Да прызначэння ў КДБ меней за тры месяцы кіраваў Камітэтам дзяржаўнага кантролю.
«Наша Нiва» — бастыён беларушчыны
ПАДТРЫМАЦЬЯк склаўся лёс сiлавiкоў, што душылі народ у 2020 годзе
Церцель пра Тарайкоўскага: «Выйшаў — і нахабна стаіць перад міліцыяй»
Каментары
Но Фантомас - точно допрыгался до пожизненного за помощь в захвате власти!