У дэпутаты ад лукашэнкаўцаў ідзе беларускамоўны пісьменнік. Што пра яго вядома?
У якасці праўладнага кандыдата ў дэпутаты па Гомельскай-Цэнтральнай акрузе №33 балатуецца старшыня Гомельскага абласнога аддзялення Саюза пісьменнікаў Беларусі Уладзімір Гаўрыловіч. Ён прадстаўнік «Белай Русі», таму можа трапіць у бюлетэні нават без збору подпісаў.
Адметнасць Гаўрыловіча ў тым, што гэта пісьменнік, які і ў творчасці, і ў публічных выступах карыстаецца беларускай мовай.
Гаўрыловіч нарадзіўся ў 1967 годзе ў вёсцы Вятчын Жыткавіцкага раёна. Працаваў у сістэме адукацыі, пасля быў галоўным рэдактарам газет «Новае Палессе» (Жыткавічы) і «Гомельскія ведамасці». З 2005 узначальвае абласное аддзяленне праўладнага Саюза пісьменнікаў. Аўтар некалькіх дзясяткаў кніг, амаль усе яны напісаныя па-беларуску.
У лукашэнкаўскі парламент звычайна трапляюць некалькі беларускамоўных дэпутатаў. Напрыклад, у мінулым скліканні ў гэты разрад можна было аднесці стаўбцоўскага міліцыянта Івана Мамайку і гісторыка Ігара Марзалюка. Праўда, нават яны ў камунікацыі з астатнімі дэпутатамі часцяком пераходзяць на рускую мову.
Чытайце таксама:
Прадстаўнікі праўладнай партыі ў першы ж дзень збору подпісаў дэманстратыўна парушылі закон
Міністарка працы Ірына Касцевіч ідзе ў дэпутаты
Гайдукевіч, Гігін, Шпакоўскі, Шаўцоў, Барсукоў і астатнія. Хто ў Мінску сабраўся ў дэпутаты
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары