Як паведамляюць канадскія СМІ, у Таронта невядомыя закідалі кактэйлямі Молатава і распісалі антысеміцкімі надпісамі прадуктовую краму IDF (International Deli Food). Гэта адбылося раніцай 3 студзеня, піша «Салідарнасць».
Сама крама размешчаная недалёка ад кампуса Ёркскага ўніверсітэта. Паведамляецца, што пажар успыхнуў каля графіці з надпісам «Свабодная Палесціна». Пры аглядзе будынка таксама былі выяўленыя разбітыя вокны.
Паліцыя Таронта заяўляе, што пажар расследуецца як меркаванае злачынства на глебе нянавісці, а шэраг чыноўнікаў Таронта асудзілі пажар як «напад на яўрэйскую суполку горада».
Між тым ізраільскі вайсковы журналіст Сяргей Аўслендэр расказаў, што насамрэч крама не мае дачынення да яўрэйскай супольнасці, а трымае яе сямейная пара з Беларусі.
«Тое, што гэта прадуктовая крама, відаць за вярсту — вітрыны з адпаведнымі малюначкамі, каўбаса, сыр і ўсё такое», — піша журналіст.
Прычынай жа пагрому стала, хутчэй за ўсё, сама назва крамы — IDF. Прапалесцінскія актывісты, мяркуючы з усяго, пераклалі яго як Israel Defense Force — Сілы абароны Ізраіля.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары