Перамога на тайваньскіх выбарах прыхільнікаў незалежнасці вострава ад Кітая можа справакаваць вайну з апошнім ужо сёлета. Тайвань не мае ядзернай зброі і знаходзіцца ў відавочнай меншасці перад вайсковай і людской перавагай кітайскай арміі, аднак у краіны ёсць адзін козыр, які можа нанесці непапраўную шкоду Кітаю. Расказваем, што за ён.
На парламенцкіх выбарах на Тайвані перамог «непажаданы для Кітая кандыдат», старшыня кіроўнай Дэмакратычнай прагрэсіўнай партыі і прыхільнік незалежнасці Тайваня Лай Цындэ, які мае намер скараціць эканамічную залежнасць ад Пекіна і працягнуць умацоўваць адносіны з ЗША.
У сваім навагоднім звароце старшыня КНР Сі Цзіньпін заявіў, што Тайвань з'яўляецца часткай Кітая, а падчас апошняй сустрэчы з прэзідэнтам ЗША Джо Байдэнам паабяцаў таму, што Кітай непазбежна далучыць да сябе Тайвань ваенным альбо мірным шляхам у залежнасці ад вынікаў выбараў на востраве.
Калі коратка, то востраў пры дапамозе рознага комплексу вайсковых мер імкнецца стрымліваць Кітай ад пачатку вайны, даючы яму зразумець, што цана ўварвання можа аказацца занадта высокай.
Гаворка пра знішчэнне кітайскай дамбы «Тры цясніны».
Што за яна?
Дамба «Тры цясніны», якая знаходзіцца ў кітайскай правінцыі Хубэй і пабудаваная на рацэ Янцзы, з’яўляецца найбуйнейшай у свеце гідраэлектрастанцыяй (ГЭС). Яна дае электрычнасць некалькім дзясяткам мільёнаў кітайцаў, а таксама ратуе сотні мільёнаў людзей у краіне ад засухі і паводак.
Як адзначае выданне Asia Times, яшчэ падчас будавання аб'екта ў 90-х частка тайваньскіх чыноўнікаў і вайскоўцаў называлі дамбу адной з галоўных патэнцыйных цэляў для знішчэння ў выпадку кітайскага ўварвання на Тайвань і пагрозы яго існаванню (асабліва пры прымяненні кітайскай ядзернай зброі па востраве).
Паколькі ГЭС узмоцнена разнастайнымі мерамі супрацьпаветранай абароны, якія не падпусцяць да сябе самалёты, а таксама мае асобы ўзровень унутранай бяспекі, які не прапусціць дыверсантаў, тайваньскія эксперты спыніліся на варыянце з ракетамі.
Першыя здольныя лётаць на адлегласць ад 600 да 1200 кіламетраў, аднак яны не з'яўляюцца такімі хуткімі, як новыя і часткова засакрэчаныя Yun Feng, якія пры большай манеўранасці павінны лётаць значна далей.
Акрамя таго, ідуць спрэчкі пра тое, колькі трэба запусціць ракет за раз, бо некаторыя ўпэўненыя ў дастатковасці аднаго-двух пападанняў, а іншыя настойваюць на неабходнасці 1000 запускаў для гарантаванага знішчэння дамбы.
Наступствы ўдару
У выпадку ракетнага паражэння дамбы і яе знішчэння гіганцкая хваля цунамі распаўсюдзіцца па ўсіх нізоўях ракі Янцзы, цалкам ці часткова затапляючы цэлыя правінцыі і буйныя мегаполісы (Ухань, Шанхай, Нанкін, Ханчжоў) разам з тысячамі населеных пунктаў.
Эканоміка краіны ў такім выпадку можа сутыкнуцца з калапсам. Будзе закранутая і значная частка кітайскай вайсковай інфраструктуры.
- Галоўны штаб Аб'яднаных сіл матэрыяльна-тэхнічнага забеспячэння арміі Кітая (Ухань);
- Галоўны штаб Паветрана-дэсантавых войскаў Кітая (Сяагань, каля Уханя);
- Усходняе камандаванне тэатра ваенных дзеянняў і Аб'яднаны штаб падтрымкі Усходняй вайсковай акругі (Нанкін);
- Галоўны офіс Міністэрства дзяржбяспекі і Галоўная вайскова-марская база Усходняга флоту ВМС Кітая (Шанхай);
- больш за 30 авіябаз ВПС Кітая і дзясяткі баз розных родаў войск;
- некалькі вайсковых акадэмій, буйных прадпрыемстваў ВПК, спадарожнікавых баз і цэнтраў кібербяспекі;
- імаверныя месцы захоўвання ядзернай зброі і вайсковыя лабараторыі (уключаючы Інстытут вірусалогіі ва Ухані, які, на думку часткі заходніх палітыкаў, звязаны з уцечкай Covid-19).
Скрыня Пандоры
Такое ж меркаванне падзяляюць і некаторыя дарадцы Міністэрства абароны Тайваня, адзначаючы, што канструкцыя дамбы можа вытрымаць нават невялікі ядзерны ўдар, пішуць тайваньскія медыя.
У той жа час улады Тайваня яшчэ ў 2022 годзе афіцыйна заяўлялі, што не будуць урывацца на тэрыторыю Кітая і разглядаць варыянт удару па дамбе. Аднак гэтая ўмова будзе дзейнічаць роўна да таго моманту, пакуль Кітай не вырашыць пайсці на Тайвань вайной.
Таму нерэалізаваная пагроза знішчэння дамбы значна больш эфектыўная і лепшая для Тайваня, бо яна служыць дадатковым моцным фактарам захоўвання міру ў рэгіёне.
Каментары