Беларусь можа спыніць транзіт расійскай электрыкі ў Калінінградскую вобласць
Пра гэта гаворыцца ў заяве рэспубліканскага унітарнага прадпрыемства электраэнергіі «АДУ», якое ўваходзіць у склад дзяржаўнага канцэрна «Белэнерга».
Пра гэта гаворыцца ў распаўсюджанай 4 студзеня заяве рэспубліканскага унітарнага прадпрыемства электраэнергіі «АДУ», якое ўваходзіць у склад дзяржаўнага канцэрна «Белэнерга».
Як адзначаецца ў заяве, «да гэтага часу расійскія энергетычныя кампаніі ААТ «ФСК ЕЭС» і «Інтэр РАО ЕЭС» не ўзгаднілі з беларускім бокам умовы транзіту электраэнергіі па тэрыторыі Беларусі для энергазабеспячэння спажыўцоў Калінінградскай вобласці і для камерцыйных паставак у краіны Балтыі».
Разам з тым «такі транзіт расійскі бок ажыццяўляе», заяўляюць у РУП «АДУ». Па стане на 4 студзеня 2010 года аб`ём несанкцыянаванага транзіту склаў каля 39,5 млн кВт-гадз.
«Гэтыя дзеянні расійскага боку вымушаюць беларускі бок разглядаць меры па спыненні несанкцыянаванага камерцыйнага перамяшчэння электраэнергіі праз сеткі беларускай энергасістэмы, што можа паставіць пад пагрозу надзейнае энергазабеспячэнне спажыўцоў Калінінградскай вобласці, у тым ліку насельніцтва», — гаворыцца ў паведамленні.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя13
Каментары