Украінцы падарвалі ў Чорным моры расійскі абʼект па карэкціроўцы ўдараў дронамі
У выніку ўдалай аперацыі на адной з платформаў у Чорным моры Сілы спецаперацый УСУ знішчылі радыёлакацыйную станцыю расейцаў і абсталяванне, якое дапамагала ворагу атакаваць поўдзень Украіны дронамі-камікадзэ, паведамляюць сілы спецыяльных аперацый УСУ.
«Аператары 73-го марскога цэнтра ССА правялі найскладанейшую і эфектыўную аперацыю ў Чорным моры ля ўзбярэжжа часова акупаванага Крыма, вокамгненна спрацаваўшы ў зоне патэнцыйнай атакі праціўніка«, — гаворыцца ў паведамленні.
Спецаперацыя праводзілася ў зоне пастаяннага патрулявання авіяцыі і флоту РФ, расказваюць у ССА.
Уначы лодкі 73-га марскога цэнтра Сіл спецаперацый падышлі ўшчыльную да здабыўной платформы. Пасля правядзення спецыяльных дзеянняў і зачысткі, абʼект быў замініраваны.
У ССА кажуць, што ў выніку было захоплена важнае абсталяванне суперніка і ўзарвана мачта з антэнай.
«Удала праведзеная спецаперацыя забяспечыла свабоднае перамяшчэнне караблёў і абмежавала магчымасці ворага ў паўночна-заходняй частцы Чорнага мора», — гавораць у ССА.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт3
Каментары