Еўрасаюз плануе прыняць 13-ты пакет санкцый супраць Расіі да 24 лютага
Паралельна з аказаннем дапамогі Украіне Еўрасаюз імкнецца працягваць уздзейнічаць на Расію санкцыямі, іх 13-ты пакет ён разлічвае прыняць да 24 лютага, заявіла кіраўнік МЗС Бельгіі Аджа Лябіб. Бельгія цяпер старшынюе ў Радзе ЕС.
«Мы спадзяемся завяршыць працу над 13-м пакетам санкцый да сімвалічнай даты 24 лютага», — сказала Лябіб на сесіі Еўрапарламента ў Страсбургу, дзе абмяркоўвалася пытанне дапамогі Еўрасаюза Украіне.
Гаворачы пра вайсковую дапамогу Кіеву, Лябіб звярнула ўвагу на неабходнасць паскорыць пастаўкі боепрыпасаў і ракет, каб стрымаць абяцанне і даць Украіне мільён 155-міліметровых снарадаў.
«На цяперашні момант мы ад гэтага вельмі далёкія. У сакавіку, паводле прагнозаў, мы зможам дасягнуць аб'ёму каля 524 тыс. снарадаў. Гэта вельмі далёка ад мэты, якую мы паставілі. Нам вельмі неабходна зрабіць больш і ўзмацніць нашы вытворчыя магутнасці», — сказала кіраўніца МЗС Бельгіі.
Чытайце таксама:
Орбан працягвае гульню. Венгерскі парламент не змог прагаласаваць за далучэнне Швецыі да НАТА
Пакет на 50 мільярдаў еўра дапамогі Украіне ўзгоднены ўсімі 27 членамі ЕС
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку22
Каментары