Сёння прайшло лёсаванне футбольнага турніру, які ўжо пачынае чацвёрты сезон.
Супернікамі футбольнай зборнай Беларусі, якая выступае ў дывізіёне С (А — самы моцны, D — самы слабы) будуць зборныя Люксембурга, Балгарыі і Паўночнай Ірландыі.
Матчы пройдуць увосень (два туры ў пачатку верасня і па два ў сярэдзіне кастрычніка і сярэдзіне лістапада).
Пасля поўнамаштабнага ўварвання Расіі ва Украіну зборная Беларусі хатнія матчы праводзіць на нейтральным полі, апошнім часам у Венгрыі.
***
Ліга нацый УЕФА — гэта новаствораны футбольны турнір для папулярызацыі матчаў зборных, а таксама для запаўнення паўзаў паміж адборачнымі турнірамі чэмпіянатаў Еўропы і свету.
Упершыню турнір быў згуляны ў 2018 годзе. Тады зборную Беларусі адправілі ў дывізіён D (самы слабы), беларусы ў групе з Люксембургам, Малдовай і Сан-Марына яго выйгралі і выйшлі ў Лігу С.
У сезоне 2020-2021 фінішавалі ў групе з Албаніяй, Літвой і Казахстанам другое месца і засталіся ў С.
У сезоне 2022-2023 занялі апошняе месца ў групе са Славакіяй, Азербайджанам і Казахстанам і мусілі гуляць за права застацца ў С з Літвой, але пасля адмовы суседзяў, засталіся ў С.
Кіраўніку УЕФА дазволілі балатавацца на чацвёрты тэрмін. Але яму не надта хочацца
11-гадовы футбаліст з Беларусі Аляксей Маёраў заключыў кантракт з Adidas
У фінале Кубка Афрыкі па футболе згуляюць суперарлы супраць сланоў
Вызначыліся фіналісты Кубка Азіі па футболе. Не абышлося без сенсацый
Аляксандр Глеб туманна патлумачыў, чым зараз займаецца
Цяпер чытаюць
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак8
Каментары