Брата памерлага ў калоніі Аляксея Навальнага «пераабвясцілі» ў вышук у сувязі з завядзеннем у дачыненні да яго новай крымінальнай справы.
ТАСС спасылаецца на вышуковую базу МУС, а таксама на крыніцу ў праваахоўных органах, якая заявіла, што супраць Алега Навальнага заведзена новая крымінальная справа.
Суразмоўца дзяржаўнага агенцтва не змог удакладніць, па якім менавіта артыкуле завялі справу (а ў базе гэтая інфармацыя ніколі не пазначаецца).
Алег Навальны, які адбываў тэрмін па справе «Іў Рашэ», у жніўні 2021 года атрымаў умоўны прысуд па «санітарнай справе», заведзенай пасля акцыі пратэсту ў падтрымку Аляксея Навальнага.
У студзені 2022 года Алега Навальнага аб'явілі ў вышук, а ў лютым — яшчэ да пачатку расійскага ўварвання ва Украіну — стала вядома, што ён змог пакінуць Расію, прычым зрабіў гэта яшчэ ў верасні 2021 года, гэта значыць пасля атрымання ўмоўнага тэрміну, піша Бі-бі-сі.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе7
Каментары